Եթե իրենք ճիշտ էին, թող Ռոբերտ Քոչարյանին բաց չթողնեին․ Արմեն Ռուստամյան․ «Առավոտ»

«Առավոտ» օրաթերթը ԱԺ ՀՅԴ խմբակցության ղեկավար Արմեն Ռուստամյանին հարցրել է ռևանշի՝ Նիկոլ Փաշինյանի նշած 3 փորձե­րում ՀՅԴ֊ի մասնակցությունը կա․ «Քոչարյանի հետ համագործակ­ցությունը Հրանա Սարգարյանը չի բացառել «Աժ կանոնակարգ» օրենքի գիշերային բվեարկությա-նը մասնակցել եք, եւ «Ընտրական օրենսգրքի» տապալման մեջ ՀՅԴ-ի մեղքը կա, հետևաբար կարող ենք ասել, որ ձեզ ձեռնտու է ռևանշը, և դուք փորձել եք մասնակցել ռևանշին»:

Ռուստամյանը պատասխանել է․ «Հետևաբար կարելի է ասեր, որ ոչ մի ռևանշ էլ տեղի չի ունեցել որովհետև հենց աոա­ջին հարցի հետ կապված մենք ոչ թե պաշտպանել ենք Ռոբերտ Քոչարյանին, այլ ասել ենք մի բան, որը հետագայում ավելի ամրապնդվել է և հաստատվել է: Այ­սինքն, Ռոբերտ Քոչարյանին կա­րելի է դատել տարբեր հար­ցերով, որտեղ ունեք ավելի հա­մոզված ապացուցողական հիմք, բայց մի բանով եք դատում, որը նախ ինքը պետք է ապացուցվի՝ եղե՞լ է սահմանադրական կարգի տապալում, թե՞ չի եղել: Եվ պարզվեց, որ մենք ճիշտ ենք, և այդ պատճառով էլ Ռոբերտ Քո­չարյանին բաց են թողել: Թող բաց չթողնեին, բա եթե իրենք ճիշտ էին: Մենք մեղադրանքի մասին ենք խոսել, որ ճիշտ մե­ղադրանք չեք ընդունել ու մենք չենք պաշտպանել Քոչարյանին, այսօր էլ չենք պաշտպանում, որևէ կապ էլ չունենք Ռոբերտ Քոչարյանի հետ ․․․ Նույն դատավորը շատ լավ հասկանում է, որ ինքն է հետո պատասխան տալու: Էդ­պես որ լիներ, հիմա Վճռաբեկն արագ կորոշեր, հասկանո՞ւմ եք։ Այսինքն' տենց չի, էս խնդիրը հլը շատ ջուր է վերցնելու: Հետո նո­րից կհամոզվեն, որ այնպիսի մեղադրանք են դրել, որը բնակա­նաբար պետք է հենց ինքը ապա­ցուցվի և այդպես հեշտությամբ ապացուցվող չէր։ Սա ենք ասում, ուրիշ ոչ մի բան»:

Ամբողջությամբ կարդացեք թերթի՝ հոկտեմբերի 31-ի համարում։