Վենետիկի հանձնաժողովը դրական է վերաբերվում ՀՀ-ում ընտրությունների անցկացմանը

Քիչ առաջ Վենետիկի հանձնաժողովի կայքում հայտնվեց Վենետիկի հանձնաժողովի նախագահ Ջիաննի Բուքիքիոյի հայտարարությունը Հայաստանի վերաբերյալ: Նրանում, մասնավորապես ասվում է․

«Վենետիկի հանձնաժողովը, հիմնվելով Վենետիկի հանձնաժողովի և Հայաստանի Հանրապետության առաջին փոխվարչապետի միջև Վենետիկի հանձնաժողովի 116-րդ նստաշրջանում քննարկումների վրա՝

• Ընդունում և աջակցում է այն խաղաղ մեթոդը, որով հայ ժողովուրդը կյանքի է կոչում փոփոխությունները,
• Գիտակցում է ՀՀ-ում ստեղծված կոնկրետ իրավիճակը, որը ստիպում է արտահերթ ընտրություններ անցկացնել 
• Ողջունում է Հայաստանի իշխանությունների հանձնառությունը Ընտրական օրենսգրքի վերանայումը իրականացնել միջազգային ստանդարտներին համապատասխան,
• Նշում է, որ ենթադրվող փոփոխությունները օրինական նպատակներ են հետապնդում եւ հիմնականում դրական են թվում 

• Մասնավորապես ողջունում է բոլոր քայլերը, որոնք դյուրացնում են ընտրության իրավունքի իրագործումը, ընդլայնում են լրատվամիջոցների մուտքը, դիտորդների իրավունքները, և, ընդհանուր առմամբ՝ ընտրական գործընթացի թափանցիկությունը, ինչպես նաև ընտրակեղծիքների դեմ պայքարը,

• Ողջունելով ընտրությունների առաջին փուլից հետո կոալիցիոն մասնակիցների թվի սահմանափակման վերացումը Վենետիկյան հանձնաժողովի և ԺՄԻՀԳ-ի սկզբունքային առաջարկության համաձայն

• Ողջունում է Վենետիկի հանձնաժողովի և ԺՄԻՀԳ -ի այլ առաջարկությունների իրականացումը, մասնավորապես՝

• Ընդհանուր ընտրական շեմի և ընտրական գրավի վերադարձման շեմի իջեցումը, ընտրական գրավի նվազեցումը.
• Դիտորդների և լրատվամիջոցների ներկայացուցիչների հավատարմագրման վերջնաժամկետի նվազեցումը, ինչպես նաև դիտորդների աշխատանքի խոչընդոտների վերացումը, օրինակ՝ նրանց թվաքանակի սահմանափակումը.
•  Երաշխիքներ՝ զինվորականների կողմից ազատ քվեարկություն ապահովելու համար
• Վերահաստատում է Վենետիկի հանձնաժողովի վերապահումներն ընտրություններին նախորդող մեկ տարվա ընթացքում ընտրական համակարգի հիմնական փոփոխությունների հանդեպ, ինչպիսիք են՝ տարածքային ցուցակների վերացումը

• Նշում է, որ այդ վերապահումները կարող են պակաս կարևոր լինել, եթե փոփոխություների մասով քաղաքական ուժերի միջև առկա է կոնսենսուս։