23 09 2018

Հույս ունեմ, որ գիտակից երևանցին խղճի մտոք կքվեարկի. Րաֆֆի Հովհաննիսյան

Հույս ունեմ, որ գիտակից երևանցին խղճի մտոք կքվեարկի. Րաֆֆի Հովհաննիսյան

Երևանի ավագանու արտահերթ ընտրություններին «Ժառանգություն» կուսակցության քաղաքապետի թեկնածու Րաֆֆի Հովհաննիսյանը թիվ 9/06 ընտրական տեղամասում մասնակցեց քվեարկությանը:

«Կան որոշ հարցեր, խնդիրներ, որոնք պետք է հաղթահարվեն ապագայում, սակայն, իմ կարծիքով, ներկայումս ունենք ընտրական գործընթաց, որ քայլ առաջ է: Հույս ունեմ, որ գիտակից երևանցին խղճի մտոք կքվեարկի և կունենա իր ցանկացած իշխանությունը»,- ասաց նա:

Նա հույս հայտնեց, որ այս ընտրություններում կարձանագրվեն միայն միջին ու մանր շեղումներ, ոչ թե համակարգային շեղումներ.

«Մեզ մոտ տրամադրությունները շատ շուտ են փոփոխվում, կարող է 3 ամիս առաջ լրիվ այլ լիներ, բայց այսօրվա համար պետք է ունենանք այն ուժերը, որոնք կանցնեն, եւ ես բոլորին շնորհավորելու եմ: Մենք արդեն հաղթել ենք, որովհետև այսօր ես որպես ընտրող ունենալու եմ ժողովրդին պատկանող քաղաքապետարան, ավագանի դա ավելի բարձր է, քան ցանկացած համար: Մեզ համար շանսերը հրաշալի են, կատարյալ են, որ մենք կուենանք այդ ընտրությունը, որը չի գողացվելու: Կարող են փոփոխվել տրամադրությունները, ինչպես փոփոխական է ամեն ինչ»:

Անդրադառնալով խորհրդարանական ընտրություններին՝ Րաֆֆի Հովհաննիսյանը նշեց, որ իրենք կողմնակից են արագացված արտահերթ խորհրդարանական ընտրությունների և կարծում է, որ համապետական ընտրություններն ավելի առաջ պետք է լինեին, որպեսզի արձագնագրվեին հայոց մեծ վերելքի, հեղափոխության ընտրական արդյունքները:

Ինչ վերաբերում է սև քարոզչության վերաբերյալ հարցին, նա նշեց.

«Ես չէի գունավորի որևէ մեկի մոտեցումը, ամեն մեկը ինքնագունավորմամբ է զբաղվել, ամեն մեկն իր իրավունքի մեջ է եղել, ես ասելիք չունեմ: Այս փուլը մի քիչ ավելի էր, քան ստանդարտ նախընտրական վիճակը, մի քիչ ուրիշ հարթության էր եւ հուսով եմ, որ այդ հարթություններն իրենց տեղը կգտնեն համապետականը իր, համաքաղաքայինը իր հարցերում»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ