Ե՞րբ և ի՞նչ ընթացակարգով Արմեն Սարգսյանը կստանձնի նախագահի պաշտոնը

Համաձայն ՀՀ Սահմանադրության, ՀՀ նախագահը պետության գլուխն է, ով հետևում է Սահմանադրության պահպանմանը, իր լիազորություններն իրականացնելիս անաչառ է և առաջնորդվում է բացառապես համապետական և համազգային շահերով, հանրապետության նախագահն իր գործառույթներն իրականացնում է Սահմանադրությամբ սահմանված լիազորությունների միջոցով:

Նոր Սահմանադրությամբ, ՀՀ նախագահն ընտրվում է յոթ տարի ժամկետով և կարող է ընտրվել միայն մեկ անգամ:

Հանրապետության նախագահը չի կարող զբաղեցնել որևէ այլ պաշտոն, զբաղվել ձեռնարկատիրական գործունեությամբ, կատարել վճարովի այլ աշխատանք:

Հանրապետության նախագահն իր լիազորությունների իրականացման ընթացքում չի կարող լինել որևէ կուսակցության անդամ:

ՀՀ նոր նախագահն իր լիազորությունները կստանձնի ապրիլի 9-ին՝ գործող նախագահի լիազորությունների ավարտման օրը։ Նույն օրը հրաժարական կտա կառավարությունը:

Նախագահը պաշտոնը կստանձնի ԱԺ հատուկ նիստում:

Ապրիլի 9-ից ամբողջությամբ ուժի մեջ կմտնի ՀՀ նոր Սահմանադրությունը:

Նախագահի՝ պաշտոնի ստանձնման մանրամասներ է ներկայացնում ԱԺ նախագահ Արա Բաբլոյանը:

ՀՀ նախագահի լիազորություններն ամբողջությամբ՝ այստեղ: