27 04 2024

Գարեգին Բ.-ն ընդունել է «Դիվանագետների համահայկական խորհուրդ» ՀԿ անդամներին

Ապրիլի 27-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց «Դիվանագետների համահայկական խորհուրդ» (ԴՀԽ) հասարակական կազմակերպության անդամներին։

Հանդիպմանը ԴՀԽ-ի նախագահ տիար Գուրգեն Մելիքյանը Հայոց Հայրապետին ներկայացրեց կազմակերպության նպատակներն ու ծրագրերը՝ հայցելով Նորին Սրբության օրհնությունը նորաստեղծ խորհրդի արդյունավոր գործունեության համար։

Իր հայրական օրհնությունը բերելով ՀԿ-ի անդամներին՝ Նորին Սրբություն անդրադարձավ հայրենիքի առջև ծառացած մարտահրավերներին, հայ ժողովրդի արդար իրավունքների պաշտպանության հիմնախնդիրներին ու անվտանգային սպառնալիքներին։ Հայոց Հայրապետը կարևորեց հայ դիվանագետների ջանքերը արտաքին գործընթացների մասնագիտական վերլուծության և լուծումներ գտնելու ուղղությամբ՝ ի պաշտպանություն մեր ժողովրդի արդար իրավունքների։

Այս առնչությամբ Ամենայն Հայոց Կաթողիկոսը տեղեկացրեց, որ Արցախի թեմը թեմական խորհրդի հետ միասին շարունակում է միջազգային և միջեկեղեցական հարթակներում քայլեր ձեռնարկել՝ ի խնդիր արցախահայերի իրավունքների պաշտպանության և Արցախի հոգևոր-մշակութային ժառանգության պահպանության։

Զրուցակիցները կարևորությամբ անդրադարձան նաև Հայոց ցեղասպանության ճանաչման, արցախահայերի իրավունքների պաշտպանության և Ադրբեջանում պահվող հայ գերիների վերադարձման ուղղությամբ ջանքերի ներդրմանը:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Գարեգին Բ | դիվանագետներ

Դիտել նաև

Հասարակություն 11 11 2024

Ամենայն Հայոց Կաթողիկոսը Հայրապետական այցով մեկնել է Հնդկաստան

Կաթողիկոսի հետ մեկնել են նաև գավազանակիրը և ասեղնագործության ու որմնանկարների վերականգնման մասնագետներ

Հասարակություն 05 11 2024

Համաշխարհային աղոթք հանուն Ադրբեջանում պահվող հայ գերիների

COP29-ի նախօրեին՝ նոյեմբերի 10-ին աշխարհի հայկական եկեղեցիներում էկումենիկ աղոթք կարվի

Հասարակություն 04 11 2024

Այսօր Վեհափառի օծման և գահակալության 25-րդ տարեդարձն է

Հայոց Եկեղեցին ապրեց հոգևոր վերածննդի ու զարթոնքի, բարգավաճման ու բարեփոխումների շրջան՝ շնորհիվ Ամենայն Հայոց Հայրապետի. Մայր Աթոռ

Քաղաքական 25 10 2024

Պատասխանատվությունը ստորադասվում է իրավունքին, անզուսպ պահվածքն ու վիրավորանքը ընկալվում է որպես քաջություն. Գարեգին Բ

Սեփական կարծիքն արտահայտելու իրավունքը հաճախ ի չարս է գործադրվում ճշմարտությունն աղավաղելու, կողմնակալ տեսակետներ տարածելու համար. Ամենայն հայոց կաթողիկոս

Հասարակություն 24 10 2024

Դիվանագետները հավելավճար կստանան, որ ուժերի գերլարումով աշխատեն

Տարեկան՝ 1 մլրդ դրամ․ կադրերի արտահոսքը կանխելու համար դիվանագետները հավելավճար կստանան

Քաղաքական 24 10 2024

Սպասելի էր, որ Գարեգին Բ-ն կրոնական առաջնորդների գագաթնաժողովին մասնակցելու հրավեր չի ստանա. Դանիելյան

Բաքվին հաջողվել է նոյեմբերի 5-7-ը համաշխարհային կրոնական առաջնորդների գագաթնաժողով կազմակերպել՝ 200 կրոնական գործիչների և գիտնականների մասնակցությամբ․ Նախատեսվում է նաև նրանց այցն օկուպացված Արցախ