Ո՞ւմ էր ձեռնտու Նավալնիի մահը․ Գագիկ Համբարյան

Քաղաքագետ Գագիկ Համբարյանը ֆեյսբուքյան իր էջում գրում է․

«Երեկ ռուսաստանյան բանտերից մեկում մահացել է ռուսաստանցի ընդդիմադիր գործիչ, իր արևմտյան գործակալ լինելը չթաքցնող (ֆինանսապես հովանավորվել է Արևմուտքի և ԱՄՆ կողնից ) Ալեքսեյ Նավալնին։

Նրա մահվան բոթը լսելուց անմիջապես հետո Արևմուտքը և ԱՄՆ-ն բացահայտ ՌԴ իշխանություններին և ՌԴ նախագահ Պուտինին սկսեցին մեղադրել Նավալնիի սպանության մեջ։

Ամուսնու մահվանից ժամեր անց Մյունխենում հայտնվեց նաև Նավալնիի կինը՝ Յուլիան, ով բարձր ամբիոնից ևս մեղադրեց ՌԴ իշխանություններին ամուսնու սպանության մեջ։

Արևմուտքից և ԱՄՆ-ից հնչող մեղադրանքների ֆոնին ծագում է կարևոր հարց... Եթե Նավալնուն սպանել են, ապա ու՞մ էր դա ձեռնտու։

Բոլոր ձևաչափերով մերկանտիլ արտաքին քաղաքականություն վարող Արևմուտքի և ԱՄՆ-ի համար պարզից էլ պարզ էր, որ Նավալնին «մարած աբլիգացի» էր, ով երկար ժամանակով բանտերում էր մնալու՝ գրեթե հնարավորություն չունենալով ազդել «դրսում7 իրադարձությունների վրա և ով որևէ ձևով չէր կարող խմորել ՌԴ ներքին դրությունը... Ավելին՝ ուկրաինական իրադարձությունների ֆոնին ռուսաստանյան հասարակության մոտ Նավալնիի վարկանիշը բավական նվազել էր և նա իրենից գրեթե ոչ մի վտանգ չէր ներկայացնում։

Մարտին սպասվող ՌԴ նախագահական ընտրություններից առաջ գործող նախագահ Պուտինին, ով վայելու է ՌԴ հասարակության մեծ մասի «սիմպատիաները» և նրա նախագահ վերընտրվելը ոչ մեկի մոտ կասկած չի առաջացնում բացարձակ պետք չէր «մարած աբլիգացի» Նավալնիի մահը, որը կարող է մի փոքր «նյարդայնացնել» Պուտինին։

Ստացվում է, Նավալնիին սպանելու մեջ Պուտինին բարձրաձայն մեղադրողներին էր ամենաձեռնտուն բանտում գտնվող, Պուտինի համար վտանգ չներկայացնող, իրեն գրեթե սպառած ռուսաստանցի ընդդիմադիրի մահը ՌԴ նախագահական ընտրություններից մեկ ամիս առաջ։

Որքան հասկանում եմ Նավալնիի ֆինանսական և քաղաքական հովանավորները մաքսիմալ օգուտ են ցանկանում ստանալ իրենց ձախողված պրոեկտից, որ գոնե իր մահով ինչ-որ օգուտ բերի իրենց»։