Գրիգորի Խաչատուրովի դեմ որևէ մեկը ցուցմունք չի տվել, ոչ մի առերեսում չի կատարվել. Հակոբ Ենոքյան

Բանակային երրորդ կորպուսի նախկին հրամանատար, գեներալ-մայոր Գրիգորի Խաչատուրովի վերաբերյալ քրեական գործով նախաքննության ավարտ է հայտարարվել: Փաստաբան Հակոբ Ենոքյանն ասաց, որ այս ընթացքում ոչ մի առերեսում չեն արել այս ընթացքում Խաչատուրովի հետ, ոչ էլ նախատեսված է եղել։

«Խաչատուրովի դեմ որևէ մեկը ցուցմունք չի տվել, ոչ ոք Խաչատուրովի մեղադրանքի էության վերաբերյալ, այսինքն նրան այդ մեղադրանքում մեղսագրող տեղեկություն չի հայտնել»,- ասաց փաստաբանը՝ նշելով, որ ամեն կերպ փորձում են իրավական գործընթացի նշույլ գտնել այս գործում, բայց չի ստացվում, քանի որ արդյունքում հանդիպում են պատերի, որոնք  հաղթահարելն իրավական տեսանկյունից հնարավոր չէ։