Հիմա Նիկոլ Փաշինյանն ինչո՞ւ է ավելի Ալիև․ Արծվիկ Մինասյան

 «Երկու օր առաջ Նիկոլ Փաշինյանն այս ամբիոնից հրապարակավ հայտարարեց՝ մի կողմ թողնելով  պիտակավորումները և զերծ լինելով քաղաքական աղմուկից հարկ է, որ բովանդակային քննարկում իրականացնել , բայց դրան հաջորդեց տեղատարափ՝  ներազգային թշնամանքի, պատմության ուրացման , հոգևոր արժեքների ոտնահարման, որի հեղինակները մեծամասնության ներկայացուցիչներն են։ Թիրախավորելով Հայ հեղափոխական դաշնակցությանը և Հայ Առաքելական եկեղեցուն զարմանալիորեն այս օրերին զուգադիպելով  թուրք-ադրբեջանական նույնանման բառապաշարով հարվածներին ակամային հարց է առաջնում՝ արդյո՞ք սա պատահականություն է թե՞ կազմակերպված գործողություն, հիմա, օգտվելով առթից, հրապարակավ դիմում եմ իրավասու պատկան մարմիններին  իրականցնել քննություն՝ պարզելու թուրք-ադրբեջանական գործակալները ի՞նչ դեակատարություն ունեն մեր պետական կառավարման համակարգում»,-ԱԺ ամբիոնից հայտարարեց «Հայաստան» խմբակցության քարտուղար, ՀՅԴ անդամ Արծվիկ Մինասյանը։

Արծվիկ Մինասյանը նշեց, որ Հայաստանի կառավարությունը հրաժարվել է Արցախի անվտանգության երաշխավորը լինելու հանձնառությունից՝ անդրադառնալով վարչապետ Նիկոլ Փաշինյանի՝ «Մադրիդյան սկզբունքներ»-ի վերաբերյալ վերջերս արված հայտարարություններին:

«Հարց է առաջանում՝ ինչո՞ւ է Նիկոլ Փաշինյանը սևով սպիտակի վրա գրված Մադրիդյան սկզբունքները խեղաթյուրում այն դեպքում, երբ անգամ Իլհամ Ալիևը՝ հանցագործ, ցեղասպան Իլհամ Ալիևը, ինքն է հրապարակավ հայտարարում, որ ««Մադրիդյան սկզբունքներով» փակ դռների հետևում ինձ պարտադրում էին, որ ես ճանաչեի Լեռնային Ղարաբաղի Հանրապետության՝ Արցախի Հանրապետության անկախությունը»: Հարց է առաջանում՝ ինչո՞ւ պետք է Նիկոլ Փաշինյանը նույնիսկ չհետևի կամ չգնահատի այս իրավիճակը», - ընդգծեց պատգամավորը:

Շարունակելով իր հարցադրումները՝ ասաց. «Եվ ինչո՞ւ պետք է խեղաթյուրվի թե՛ 1989 թվականի ԼՂ ինքնավար մարզի որոշումը միանալ Հայաստանի հետ՝ դա շփոթելով 1991 թվականին արդեն ԼՂ ժողովրդի կողմից անկախության հռչագրի ընդունմամբ անկախության գործընթացի իրականացման հետ: Եվ որ ամենակարևորն է. նույն Ադրբեջանի Հանրապետությունն անկախացել և հիմք է ընդունել միայն իր Առաջին Հանրապետությունը՝ չեղարկելով Խորհրդային Միության անդամակցության վերաբերյալ փաստաթուղթը:

Ինչո՞ւ հանկարծ պետք է ԼՂ կարգավիճակի հարցը, կամ ԼՂՀ-ն դիտարակվի Խորհրդային Ադրբեջանի կոնտեքստում, այն դեպքում, երբ որ Ադրբեջանի Հանրապետությունն ինքն է հրաժարվել լինել խորհրդային Ադրբեջանի  իրավահաջորդը, ինչո՞ւ է ուրեմն Նիկոլ Փաշինյանն ավելի «Ալիև»: Նկատի ունեմ հիմնավորումները: Ինչո՞ւ է ավելի հիմնավորում, որքան նրանք չեն անում դա: Իմ կարծիքով ՝ պատասխանը մեկն է. այս ձախողված քաղաքականության մեջ փորձ է արվում գտնել մեղավորներին»:

«Ես խորհուրդ եմ տալիս, հորդորում եմ՝ պե՛տք չի դա անել, հետևե՛ք Ձեր իսկ առաջարկներին, պարո՛ն Փաշինյան: Ասում էր՝ «գտնենք ելք»: Ելքը գտնենք, բայց պետք չի անել հղումներ, կատարել ոչ իրական փաստարկումներ, որն ավելի է վատացնում իրավիճակը: Արցախի Հանրապետության ինքորոշման իրավունքը նաև նույն միջազգային մանդատ ունեցող երկրների կողմից կարևոր է համարվել, հարկ է սրբորեն պահպանել այս իրավունքը: Այո՛, արցախյան կոնֆլիկտը լուծված չէ, և սա պետք է լինի Հայաստանի պաշտոնական տեսակետը: Այդ կոնֆլիկտի լուծման հիմքում պետք է լինի Արցախի ժողովրդի ինքնորոշման իրավունքը»,- շարունակեց պատգամավորը:

Ըստ Արծվիկ Մինասյանի՝ Ալմա-Աթայի հռչակագրի հայտարարմամբ չի ապահովվում ՀՀ սահմանների անձեռնմխելիությունը: «Ադրբեջանը չի գնում այդ քայլին, նա ինչքան ուժի ունի, ինչքան հնարավորություն ունի, սեղմելու է, ոչնչացնելու է: Ավելին՝ նույն Ալմա-Աթայի հռչակագրի, որը հաջորդել է ԱՊՀ ստեղծման մասին արձանագրությանը, այդ արձանագրության վավերացման ժամանակ կատարված վերապահումը պետք է լինի նաև մեր ու համանախագահ երկրների համար կարևորագույն ուղղություն: Իսկ այդ վերապահումն ասում է, որ ԱՊՀ անդամ կարող են լինել ԽՍՀՄ նաև այն երկրները, այն տարածքները, որոնք ԽՍՀՄ օրենքներին համաձայն իրականարել են անկախության հանրաքվե: Այդպիսի չափանիշին բավարարում էր ԼՂՀ-ն: Ինչո՞ւ ուրեմն մենք սա չենք դարձնում մեր քաղաքական կարևորագույն առաջընթացը, հնարավորությունը»,- հայտարարեցխմբակցության քարտուղարը։

Մանրամասն՝ տեսանյութում։