Լաչինի միջանցքի հետ կապված մտահոգություններ կան. Փաշինյանը՝ Պուտինին

Ցավոք, մենք լարվածություն ենք տեսնում Լեռնային Ղարաբաղում ռուս խաղաղապահների պատասխանատվության գոտում, հայտարարել է Հայաստանի վարչապետ Նիկոլ Փաշինյանը՝ Բիշքեկում ԵԱՏՄ նիստի շրջանակում ՌԴ նախագահ Վլադիմիր Պուտինի հետ հանդիպմանը։

«Վերջերս փակվեց Լաչինի միջանցքը, և Ղարաբաղում մտավախություն կա այդ կապակցությամբ։

Հուսով եմ, որ մեզ կհաջողվի քննարկել տարածաշրջանային անվտանգության բոլոր կարևոր հարցերը»,- նշել է Փաշինյանը։

Իր հերթին, Պուտինը նշել է, որ իրենք Հայաստանի վարչապետի հետ միշտ քննարկելու հարցեր ունեն։

Միաժամանակ նա հիշեցրել է, որ Ռուսաստանը Հայաստանի առաջատար առեւտրատնտեսական գործընկերն է։