ՊՆ փոխնախարար Գաբրիել Բալայանն ազատման դիմում է գրել

Aysor.am-ը գրում է․ «ՀՀ պաշտպանության փոխնախարար Գաբրիել Բալայանն աշխատանքից ազատման դիմում է գրել։

«Պաշտոնավարման ընթացքում անմնացորդ նվիրումով ես և իմ գործընկերները հնարավոր ամեն ինչ արել ենք պաշտպանական ոլորտի ինձ վստահված ուղղություններում բարեփոխումներ իրականցնելու համար` արձանագրելով ինստիտուցիոնալ անշրջելի ձեռքբերումներ։ Ցավով արձանագրում եմ նաև բացթողումներ, որոնց համադրության պատճառով նոյեմբերի 20-ին դիմել եմ վարչապետին ինձ զբաղեցրած պաշտոնից ազատելու խնդրանքով», - Aysor.am-ին ասաց Բալայանը։

Նա շնորհակալություն հայտնեց համատեղ ծառայության ու միահամուռ ջանքերով ձեռք բերված արդյունքների համար, որի շահառուներն են հանդիսացել տասնյակ հազարավոր նախկին ու ներկա զինծառայողներ։

«Հուսով եմ նոր նշանակումների արդյունքում կարձանգրվեն շոշափելի հաջողություններ հանուն Հայաստանի Հանրապետության ու նրա անվտանգության ապահովման։ Խոնարհվում եմ բոլոր նահատակների ու վիրավորների, նրանց հարազատների ու մտերիմների առջև։ Փառք Հայոց բանակին, որ արեց ու անում է անհնարինը։ Պատիվ ունեմ։ Ծառայում եմ Հայրենիքիս», - ասաց Բալայանը։