30 04 2020

Հայաստանի և Իտալիայի ԱԳ նախարարներն անդրադարձել են տարածաշրջանային անվտանգության հարցերի

Ապրիլի 29-ին հայկական կողմի նախաձեռնությամբ տեղի է ունեցել ԱԳ նախարար Զոհրաբ Մնացականյանի հեռախոսազրույցը Իտալիայի արտաքին գործերի և միջազգային համագործակցության նախարար Լուիջի Դի Մայոի հետ: Այս մասին տեղեկանում ենք ԱԳՆ լրատվական ծառայությունից։

Հայաստանի ԱԳ նախարարը հայ ժողովրդի և ՀՀ կառավարության անունից զորակցություն է հայտնել Իտալիայի բարեկամ ժողովրդին՝ համավարակով պայմանավորված մարտահրավերներն արդյունավետ հասցեագրելու և այն շուտափույթ հաղթահարելու գործում:

Նախարար Մնացականյանն իր իտալացի գործընկերոջը ներկայացրել է նոր տիպի կորոնավիրուսի կանխարգելման և վերջինիս սոցիալ-տնտեսական հետևանքների մեղմացման ուղղությամբ ՀՀ կառավարության կողմից ձեռնարկվող քայլերը և իրականացվող ծրագրերը:

Համավարակի դեմ պայքարի և դրա հետևանքների վերացման համատեքստում ԱԳ նախարարները մտքեր են փոխանակել միջազգային համագործակցության նոր նախաձեռնությունների շուրջ:

Անդրադառնալով երկկողմ օրակարգի հարցերին՝ ԱԳ նախարար Մնացականյանը ընդգծել է, որ Հայաստանն առանձնահատուկ նշանակություն է տալիս հայ-իտալական քաղաքակրթական ընդհանուր արժեքների վրա հիմնված հարաբերությունների զարգացմանը: Այս համատեքստում արտգործնախարարները դրական են գնահատել Հայաստանի և Իտալիայի միջև առկա քաղաքական երկխոսության բարձր մակարդակը: Ուղենշվել են երկկողմ հետաքրքրություն ներկայացնող ոլորտներում համագործակցության առավել ամրապնդման և ընդլայնման ուղղությամբ ձեռնարկվելիք քայլերը:

Հեռախոսազրույցի ընթացքում անդրադարձ է կատարվել նաև միջազգային և տարածաշրջանային անվտանգության հարցերի լայն շրջանակի:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Հայաստան | Իտալիա | ԱԳ նախարարներ

Դիտել նաև

Մամուլի տեսություն 16 11 2024

Իսկ Հայաստանում, առանց «պատկերացումների», կատարվում է նման բան․ «Փաստ»

«Մեր ամենամեծ պրոբլեմն ու ողբերգությունը» ոչ թե պետության հիմնարար փաստաթուղթն է, այլ նման իշխանություն ու, ցավոք, նրան ծափահարողներ ունենալն է

Իրավական 15 11 2024

Հայաստանը հաղթանակ է գրանցել արբիտրաժային վճռի չեղարկման գործով

Այս վարույթը հարուցվել էր հարավային երկաթուղու և արագընթաց ճանապարհի կառուցմանը վերաբերող վեճի առնչությամբ 2023թ. հունվարի 20-ին կայացված արբիտրաժային վճռի չեղարկման նպատակով

Քաղաքական 11 11 2024

Վրաստանը շահագրգռված է տարածաշրջանում խաղաղությանն ու կայունությանը աջակցելու հարցում. Գեորգի Շարվաշիձե

Հուսով ենք, որ մոտ ապագայում Հայաստանի և Ադրբեջանի միջև խաղաղության պայմանագիր կստորագրվի. Հայաստանում Վրաստանի դեսպան

Հասարակություն 06 11 2024

Հայաստանը կրկին վարկ կստանա. այս անգամ թունելի շինարարության համար

Քաջարանի թունելի շինարարության և M2 ճանապարհի վերակառուցման ինժեներաշինարարական աշխատանքների իրականացման համար Հայաստանը 200 միլիոն դոլարի վարկ կստանա

Հասարակություն 01 11 2024

2026 թ․ Հայաստանը հյուրընկալելու է Կենսաբազմազանության կողմերի համաժողովը՝ COP17-ը

65 ձայնով Հայաստանն ընտրվել է որպես Կենսաբազմազանության կողմերի համաժողովի հյուրընկալող երկիր

Հասարակություն 25 10 2024

Հարյուր տարվա մեմություն, կամ՝ Հայաստանը՝ լաբիրինթոսում․ 168.am

Փաշինյանը հասկացել է, որ հենց վիրտուալ պատին ուղղված հայհոյանքն է իրեն փրկում իրական «գնդակահարության պատից»