29  04  2020

Արայիկ Հարությունյանն ու Սամվել Բաբայանը քննարկել են հնարավոր համագործակցության հետ կապված հարցեր

Արայիկ Հարությունյանն ու Սամվել Բաբայանը քննարկել են հնարավոր համագործակցության հետ կապված հարցեր

Արցախի Հանրապետության նորընտիր նախագահ, «Ազատ հայրենիք» կուսակցության առաջնորդ Արայիկ Հարությունյանը քաղաքական խորհրդակցությունների շրջանակներում հանդիպել է «Միասնական հայրենիք» կուսակցության նախագահ Սամվել Բաբայանի հետ։ Արայիկ Հարությունյանն այս մասին գրառում է կատարել «Ֆեյսբուք»-ի իր էջում։

«Կառուցողական քննարկում ենք ծավալել քաղաքական հնարավոր համագործակցության և այդ համատեքստում մեր ծրագրային հիմնադրույթների համադրելիության շուրջ։ Արցախի խաղաղ և կայուն զարգացման գործում երկուստեք կարևորել ենք ներքին միասնականությունն ու առկա մարտահրավերներին համընդհանուր ջանքերով դիմագրավումը։

Պայմանավորվածություն ենք ձեռք բերել առաջիկայում շարունակել խորհրդակցությունները»,- գրել է Հարությունյանը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ