13 10 2019

Նշանակումները լինելու են անակնկալ․ Արման Սարգսյանը՝ ճանապարհային ոստիկաններին

Հոկտեմբերի 12-ին ոստիկանությունում տեղի է ունեցել աշխատանքային խորհրդակցություն, որը վարում էր ոստիկանության պետի ժամանակավոր պաշտոնակատար Արման Սարգսյանը։ Ներկա էին ոստիկանության պետի տեղակալ Հովհաննես Քոչարյանը, ճանապարհային ոստիկանության ղեկավարությունն ու անձնակազմը։ Այս մասին տեղեկանում ենք ՀՀ ոստիկանության մամուլի ծառայությունից։

Արման Սարգսյանը անձնակազմին ներկայացրեց ճանապարհային ոստիկանության ղեկավար կազմում նոր նշանակված ծառայողներին, նրանց մաղթեց արդյունավետ ու բարի ծառայություն։

Խոսելով ճանապարհային ոստիկանությունում կադրային քաղաքականության մասին` Արման Սարգսյանը նշեց, որ առաջխաղացումներ ունենալու են միայն բարեխիղճ ծառայությամբ աչքի ընկած ու գրագետ ոստիկանները եւ նշանակումները լինելու են անակնկալ։

Ճանապարհային ոստիկաններին հանձնարարվեց անհանդուրժող լինել բոլոր օրինախախտների նկատմամբ, առավել արդյունավետ ծառայություն իրականացնելու համար խաչմերուկներում կազմակերպել ծառայությունը ոչ միայն ֆիսքված ժամաքանակով, այլեւ՝ ըստ երթեւեկության ծանրաբեռնվածության։

Ոստիկանության պետի ժամանակավոր պաշտոնակատարը խոսեց նաեւ ճանապարհային ոստիկանների մասնագիտական ունակությունների մասին, կարեւորելով նրանց կրթվածության մակարդակն ու գրագիտությունը՝ քաղաքացիների հետ շփումներում։

Արման Սարգսյանը նշեց, որ կոռուպցիան եւ անտարբերությունը հավասարազոր արատավոր երեւույթներ են։ Դրանք չպետք է տեղ գտնեն ճանապարհային ոստիկանության ծառայության մեջ։ Լինելու դեպքում ստանալու են համարժեք կոշտ պատասխան, իսկ ծառայողը խստագույնս կենթարկվի պատասխանատվության։

Խոսվեց նաեւ ճանապարհային ոստիկանների ու ոստիկանության մյուս ստորաբաժանումների համագործակցության կարեւորության մասին։

Ճանապարհային ոստիկանությունում կատարվելիք օրենսդրական ու կառուցվածքային փոփոխությունների եւ նյութատեխնիկական հագեցվածության մասին խոսք ասաց ոստիկանության պետի տեղակալ Հովհաննես Քոչարյանը։

Ամփոփելով խորհրդակցությունը, ոստիկանության պետի ժամանակավոր պաշտոնակատարը հույս հայտնեց, որ անձնակազմը կգիտակցի ոստիկանության ղեկավարության ներկայացրած պահանջներն ու միասին կանեն ամեն ինչ ապահով ու անվտանգ երթեւեկություն ապահովելու ուղղությամբ։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

ՃՈ | Արման Սարգսյան | ոստիկանապետի ԺՊ | խորհրդակցություն | նշանակումներ

Դիտել նաև

Հասարակություն 11 11 2024

199 վարորդ եղել է ոչ սթափ, 388-ը չի ունեցել վարորդական վկայական

Երթևեկության կանոնների 4576 խախտում է հայտնաբերվել Երևանում

Քաղաքական 25 06 2024

Կրկնեմ նույն նախադասությունը, որը գուցե ժպիտ ու չգիտեմ ինչ առաջացնի․ Արման Սարգսյան

Իմ քաղաքավարությունը թույլ չի տալիս, որ ձեզ չարչարեմ․ շնորհակալություն, ցտեսություն ձեզ․ պաշտպանության փոխնախարարը՝ լրագրողներին

Քաղաքական 07 06 2024

Տեսեք արդեն երկրորդ հարցն է, հետո կհնչի երրորդ հարցը․ ՊՆ փոխնախարարը դարձյալ խուսափեց լրատվամիջոցներից

Արման Սարգսյանը շրջանցեց Տավուշում դիրքերի փոփոխության վերաբերյալ հարցը

Քաղաքական 07 06 2024

Գեներալի պաշտոնը տալիս են համաձայն կանոնակարգերի, ոչ թե ճաշակով. Գեղամ Մանուկյան

Ո՞նց է, որ գեներալական կոչում է տրվում մի ծառայության պետի, որի պաշտոնը բարձրագույն սպայական պաշտոնների թվին չի պատկանում. Պատգամավորը՝ ՊՆ փոխնախարարին

Հասարակություն 13 03 2024

Պաշտպանության ոստիկան փոխնախարարը 4 գյուղերի հանձնման մասին տեսակետ չունի

Զորքերի հետքաշում, հնարավոր հարձակում․․․ Արման Սարգսյանը հարցերից խուսափելու համար հղում արեց

Հասարակություն 23 10 2023

Եկեք քաղաքավարության սահմաններում ձեզ ասեմ շնորհակալություն, ցտեսություն․ փոխնախարարը՝ լրագրողներին

Ես հարցը տամ, ես էլ պատասխանեմ․ Պաշտպանության փոխնախարար բազմաթիվ հարցերից պատասխանեց իր նախընտրած երկուսին