Իշխանությունները լռելյայն աջակցում են Վահե Գրիգորյանի հայտարարություններին. Վարդան Այվազյան

«Եթե խոսք է գնում Սահմանադրական դատարանի ճգնաժամի մասին, ապա տեսնում ենք, որ այդ հայտարարությունները լռելյայն կերպով աջակցություն են ստանում այսօրվա իշխանությունների կողմից: Եվ դա պատճառը, որ այդ հայտարարությունները այն քննարկման առարկա են դառնում»,- Yerevan.Today-ի հետ զրույցում ասաց սահմանադրագետ, ԵՊՀ Սահմանադրական իրավունքի ամբիոնի վարիչ Վարդան Այվազյանը:

Սահմանադրագետը նկատեց, որ անգամ նման աջակցության դեպքում իշխանությունները պետք է գիտակցեն, որ եթե այդ հայտարարությունները դառնան պրակտիկ քայլեր, ապա կհանգեցնեն Սահմանադրության կոպիտ խախտումների:

Անդրադառնալով այն դիտարկմանը, որն իշխանությունները կարծես թե քայլեր են ձեռնարկում Սահմանադրական դատարանը ներքաղաքական գործընթացներին ներքաշելու համար, Վարդան Այվազյանը պատասխանեց.«Այո, նման միտումներ առերևույթ տեսանելի են մեզ համար: Թեև պաշտոնապես հայտարարություններ չեն անում, սակայն զգացվում է նրանց հավանության և աջակցության շունչը»:

Սահմանադրագետը նկատեց, որ եթե նման գործընթացները շարունակվեն, ապա հռչակված իրավունքի գերակայությունը կփոխարինվի ուժի գերակայությամբ, որը արժեզրկելու է և պետականությունը, և իրավական համակարգը:

Մանրամասն՝ տեսանյութում: