05 02 2024

Վերաքննիչ դատարանը՝ կաթնամթերքի մասին

Վերաքննիչ վարչական դատարանը թիվ ՎԴ/4975/05/20 վարչական գործով 2024 թվականի հունվարի 15-ի որոշմամբ, գնահատելով Մրցակցության պաշտպանության հանձնաժողովի 2020 թվականի ապրիլի 28-ի թիվ 136-Ա որոշման իրավաչափությունը, արտահայտել է հետևյալ կարևոր դիրքորոշումները.

«Թթվասեր» անվանումով մթերքը չի կարող պարունակել բուսական յուղ
Կաթնային ճարպի փոխարինիչով կաթ պարունակող մթերքի սպառողական փաթեթվածքի վրա պետք է նշվի բուսական յուղերի առկայության մասին տեղեկատվություն, որը զետեղվում է փաթեթվածքի կամ պիտակի վրա հատուկ հատկացված տեղեկատվական դաշտում՝ այդ տեղեկատվական դաշտի գույնին հակադիր գույն ունեցող տառատեսակով․
Մթերքը որպես թթվասեր մակնշելն ու իրացնելն այն պայմաններում, երբ ապրանքի արտադրության մեջ օգտագործվել է բուսական յուղ ինքնուրույն բաղադրամաս, և «Կաթի և կաթնամթերքի անվտանգության մասին» Մաքսային միության տեխնիկական կանոնակարգի իմաստով վերջինս համապատասխանում է կաթնային ճարպի փոխարինիչով թթվասերի տեխնոլոգիայով արտադրված կաթ պարունակող մթերքի սահմանմանը, և ոչ թե թթվասերի սահմանմանը, պարունակում է հասարակության մոլորեցման դրսևորմամբ անբարեխիղճ մրցակցության հատկանիշներ․
Հանձնաժողովի կողմից վարույթի նախաձեռնման համար հիմք հանդիսացած՝ ապրանքի փորձարկման արձանագրությունը հանդիսանում է վարչական վարույթի նյութ և կարող է դրվել վարչական վարույթը եզրափակող վարչական ակտի հիմքում․
Վարչական վարույթի ընթացքում փորձաքննություն իրականացնելու անհրաժեշտությունը բացակայում է, եթե վարչական վարույթի ընթացքում փորձարկման արձանագրությունը չի վիճարկվել․
Իրավախախտումը հիմնավորող հանգամանք է նաև վարչական բողոքում բողոք բերած անձի կողմից իրավախախտման փաստն ընդունելը։

ՏՄՊՊՀ-ն հիշեցնում է, որ հիշատակված որոշմամբ «Պարգև» սահմանափակ պատասխանատվությամբ ընկերության կողմից արտադրված ապրանքը որպես «թթվասեր» մակնշելն ու իրացնելն այն դեպքում, երբ դրանում առկա է բուսական յուղ և «Կաթի և կաթնամթերքի անվտանգության մասին» կանոնակարգի իմաստով ապրանքը չի հանդիսանում «թթվասեր», որակել է որպես հասարակության մոլորեցման դրսևորմամբ անբարեխիղճ մրցակցություն և նշանակել է 14 306 034 (տասնչորս միլիոն երեք հարյուր վեց հազար երեսունչորս) դրամի չափով տուգանք:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Վերաքննիչ քաղաքացիական դատարան | թթվասեր

Դիտել նաև

Կարճ ասած 04 07 2024

«Կարճ ասած»․ 5 մահ բանակում երկու ամսում․ Պապիկյանը սմետանի բաղադրությունն է որոշում

Իրե՛նք, այս իշխանությունը, եթե անգամ շատ լավ բան մտածեն ու ազնվորեն փորձեն իրականացնել, միևնույն է՝ չեն կարողանալու, ուղեղները չի հերիքելու․․․

Հասարակություն 01 04 2022

ԱԻ նախարար Անդրանիկ Փիլոյանին կալանավորելու որոշման դեմ վերաքննիչ բողոք կներկայացվի

Առաջին ատյանի դատարանի որոշումը ստացել ենք և այն պետք է բողոքարկենք․ Փիլոյանի պաշտպան

Տնտեսություն 10 12 2019

Խոշոր տուգանքներ՝ թթվասեր արտադրող ընկերություններին

ՏՄՊՊՀ-ն անբարեխիղճ մրցակցության և հանրությանը մոլորեցնելու դեպք է բացահայտել

Իրավական 16 08 2019

Քոչարյանի և նախկին պաշտոնյաների քրեական գործը գտնվում է Վճռաբեկում. Կարեն Փոլադյան

Առաջիկա օրերին Քոչարյանի գործը կփոխանցվի առաջին ատյանի դատարան. Դեպարտամենտի ղեկավար

Հասարակություն 31 07 2019

04:20

Դադարեք սպառողներին մոլորեցնել. Ռուբեն Հայթյանը՝ տնտեսվարողներին

«Սինյորա Ֆլորա», «Արարատյան» անուններով նմանակում են թթվասերին, որը կապ չունի թթվասերի հետ. Փորձագետ

Տնտեսություն 06 04 2019

Եվս 4 տեսակի կեղծված թթվասեր

Բուսական յուղ՝ նաև «Կալինինո», «Դիետ», «Զանգեզուր», «Մանուկ» սննդամթերքում