Թոքմաջյանի ձախողված բնակարանաշինությունը. «Ժողովուրդ»

«Ժողովուրդ»-ը գրում է․ «Տարբեր տարիներին սոցիալական բնակարանաշինության ծրագրեր ունեցել են նաև բուհերը, այդ թվում՝ Ճարտարապետության և շինարարության համալսարանը: Պարզվում է, որ 2013 թ. սույն բուհի կողմից Նորքի Արմենակյան 125 հասցեում սկսվել են բազմաբնակարան շենքի կառուցման աշխատանքները, որի նպա­տակն էր բնակարանով ապահովել բուհի երիտասարդ մասնագետներին, սակայն ծրագիրը մինչ օրս անա­վարտ է:Շահառուներից մեկը մեզ փոխանցեց, որ 2016 թ. շինարարությունը դադարեցված է, մինչդեռ պարզվում է՝ անգամ համալսարանի սեփական միջոցներից որպես աջակցություն գումարներ էին տրամադր­վել հավանական շահառուներին:

Ավելի ուշ պարզվել է՝ սոցիալական համարվող այս ծրագրում որպես շահա­ռուներ ընդգրկվել են հիմնականում այն ժամանակվա ռեկտոր Հովհաննես Թոքմաջյանի ընտանիքի անդամ­ները, հարազատներն ու իր հետ անձնական կապ ունեցող անձինք, որին նախորդել էր շենքի կառուցապատ­ման իրավունքը համալսարանից Թոքմաջյանի կողմից ստեղծված «Ինժեներ Լիգա» ընկերությանը փոխան­ցելը:Կարևոր մեկ հանգամանք ևս. շենքի տարածքը գտնվում է այնտեղ, որտեղ ժամանակի ընթացքում կա­ռուցվել է շենք, ուր բնակվում են նախկին ռեկտորի ընտանիքի անդամներ և մտերիմներ»։

Նյութն ամբողջությամբ կարդացեք «Ժողովուրդ» թերթում։