02  08  2019

Արդարադատության նախարարն անիմաստ գործով է զբաղված. քաղաքագետ. «Իրավունք»

Արդարադատության նախարարն անիմաստ գործով է զբաղված. քաղաքագետ. «Իրավունք»

«Իրավունք»-ը գրում է․ «ՀՀ արդարադատության նախարար Ռուստամ Բադասյանը դիմել է Վենետիկի հանձնաժողով, որպեսզի վերջիններս եզրակացություն ներկայացնեն Հայաստանում տխրահռչակ Ստամբուլյան կոնվենցիայի վավերացման համար։ Անդրադառնալով վերոնշյալին՝ «Իրավունքի» հետ զրույցում քաղաքագետ Սերգեյ Շաքարյանցը նշեց, որ անիմաստ գործով է զբաղված արդարադատության նախարարը։

 «Վենետիկի հանձնաժողովը դեռեւս 2013 թվին էր մեծ-մեծ խորհուրդներ տալիս ՀՀԿ-ին, որ շուտա­փույթ, 5 վայրկյանում անցկացնեն այդ կոն­վենցիայի պահանջները։ Պարզ է, որ հիմա էլ կասեն՝ շատ լավ է, վավերացրեք։ Այ­սինքն՝ անիմաստ գործ է՝ դի­մել Վենետիկի հանձնաժողովին՝ նախօրոք իմանալով, թե ինչ պատասխան պետք է գա։Ինչ վերաբերում է այդ կոնվեն­ցիային, այն ինձ համար անըն­դունելի է նախեւառաջ նրա համար, որ ստամբուլյան է։ Եվ երկրորդ՝ բացահայտեք այդ կոնվենցիան, թող վերջին գյուղացին իմանա, թե ինչ է այդ­տեղ քարոզվում եւ առաջարկ­վում իրականացնել քո երկ­րում։

Թող քննարկումներ կազմակերպեն բոլորի մասնակցությամբ, տարբեր ոլորտ­ների փորձագետների հետ, ի՞նչ է, գաղտ­նի՞ք է։ Ինչո՞ւ չեն նկատում, որ տարբեր եվ­րոպական երկրներ են դրա դեմ դուրս եկել, նույնիսկ ԵՄ անդամ երկրներ։ Եթե քարո­զում են այդ կոնվենցիան, թող երկկողմանի քարոզեն, որ մարդիկ իմանան, թե ինչ է կա­տարվում։ Օրինակ, ես երբեք չէի տա ոչ մի արտոնություն ԼԳԲՏ-ական ցանկացած մարդու։ Եթե մարդ է, արդեն պաշտպան­ված է Սահմանադրությամբ եւ մնացած օրենքների լիակատար ուժով։ Իսկ եթե խոսքը ինչ-որ արտոնյալ վի­ճակներ ստեղծելու մասին է, ապա սա ի՞նչ է նշանակում՝ այդ մարդկանց մարդ չե՞ն հա­մարում, իրենց են վիրավորում, թե՝ մեզ, չգիտեմ, բայց ինչ-որ բնակչության մասի մարդ չեն համարում։ Քրեական օրենսգր­քում կա համապատասխան՝ գլուխ՝ անձի դեմ հանցագործության վերաբերյալ, բոլորի իրավունքներն այդտեղ պաշտպանված են, բոլոր հանցագործու­թյունների համար պատիժը նախատեսված է։ Ուզում են այստեղ դարձնել Նորվեգիա՞, Զիբիլիզատիա՞, երբ 6 տարեկան երեխա­յին թույլ է տրվում դատարան դիմել ծնող­ների դեմ, կանչել ոստիկանություն։ Սա դժոխք է, ընտանիք չէ»։

Նյութն ամբողջությամբ կարդացեք «Իրավունք» թերթում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Քաղաքական 22 08 2019

Ի՞նչ է արել Արցախն իրենց, ինչի՞ այդքան չեն սիրում Արցախը. Արթուր Ղազինյան

Հիմա արդեն Արցախը ստորադասվեց Ամուլսարին, իսկ մինչ այդ ստորադասվել էր «հեղափոխությանը». կարծիք

 

Ի՞նչ է արել Արցախն իրենց, ինչի՞ այդքան չեն սիրում Արցախը. Արթուր Ղազինյան

Հիմա արդեն Արցախը ստորադասվեց Ամուլսարին, իսկ մինչ այդ ստորադասվել էր «հեղափոխությանը». կարծիք

 

 

Արթուր Ղազինյանը ֆեյսբուքյան իր էջում գրում է.

«Արդեն երեք օր է՝ մտածում եմ, ի՞նչն է իշխանության թևի տակ ծվարած գլոբալիստների Ամուլսարի հանքի շահագործմանն ընդդիմանալու պատճառը։

Էվրիկա…

«Ամուլսարի խնդրին ավելի կարևոր է, քան Արցախի խնդիրը»։

Հիմա արդեն Արցախը ստորադասվեց Ամուլսարին, իսկ մինչ այդ ստորադասվել էր «հեղափոխությանը»։

Այս տեմպերով, որ շարժվենք, մոտ ապագայում Ստամբույլյան կոնվենցիան կհռչակվի Արցախից ավելի կարևոր։

Ի՞նչ է արել Արցախն իրենց, ինչի՞ այդքան չեն սիրում Արցախը։

Կռահում եմ, բայց եկել եմ ասեմ, որ մի էլ մտածեք, նույնիսկ չնայեք այդ ուղղությամբ»։

Orphus համակարգ