30 03 2019

Փոխնախարարների պաշտոնանկության նոր վարկած․ «Հրապարակ»

Փոխնախարարների պաշտոնանկության նոր վարկած․ «Հրապարակ»

«Հրապարակ»-ը գրում է․ «Նախօրեին ԱԺ էր եկել արդարադատության նախկին փոխնախարար Սուրեն Քրմոյանը, ում օրերս ազատեցին աշխատանքից։ Նա հրաժարվեց պատասխանել ոչ միայն իր պաշտոնանկության մասին հարցերին, այլև կարծիք հայտնել անցումային արդարադատության և այլ հարցերի մասին։

Բանն այն է, որ Քրմոյանի և Արսեն Գրիգորյանի պաշտոնանկությունները պայմանավորված էին ոչ միայն Ամանորը դրսում անցկացնելու հանդգնությամբ, այլև, ըստ որոշ լուրերի, անցումային արդարադատության հետ կապված բացասական դիրքորոշմամբ։

Հիշեցնենք, որ նրանց պաշտոնանկությանը պաշտոնական բացատրություն չտրվեց, Արտակ Զեյնալյանը նրանց ոլորտի պրոֆեսիոնալներ որակեց և հայտարարեց, որ դա թիմի որոշումն է։ Քրմոյանը հարցին, թե ինչու է եկել ԱԺ, ասաց․ «Քննարկում ունեմ՝ աշխատանքային, եթե պետական համակարգում չեմ աշխատում, դա դեռ չի նշանակում, որ ընկերներիս հետ չպետք է շփվեմ»։ Որտե՞ղ է իրեն տեսնում ապագայում, աշխատանքի առաջարկ ստացե՞լ է։ Ասաց, որ դեռևս հանգստանալ է ուզում, հետո կորոշի»Թ

Նյութն ամբողջությամբ կարդացեք «Հրապարակ»-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ