Ֆինանսական մեծ հարված՝ ԶԼՄ-ներին․ «Հրապարակ»

«Հրապարակ»-ը գրում է․ «Վարչապետի աներորդի, պատգամավոր Հրաչ Հակոբյանի նախաձեռնությամբ դեռ նախորդ գումարման Ազգային ժողովում օրենսդրական նախագիծ էր ներկայացվել, որով արգելվելու է բուքմեյքերական ընկերությունների գովազդը հեռուստատեսությամբ և առցանց տիրույթում, ինչը ֆինանսական մեծ հարված կլինի լրատվա­միջոցներին, որոնք հիմնականում գովազդից են ֆինանսավորվում, իսկ Հայաստանում քանի որ տնտեսությունը չի զարգանում, ուստի, գովազդա­տուները հիմնականում բուքմեյքերներն են: 

Այս նախաձեռնությունն առնվազն ԶԼՄ-ների անկա­խության դեմ ուղղված քայլ կարող է դիտվել, և լրատվական աշխարհում բողոք է հասունանում: Նախագիծը դեռ աշխատանքային քննարկման փուլում է, սակայն այսօր հեղինակն ԱԺ-ում փակ քննարկում է կազմակերպել խնդրի առնչությամբ՝ խտրական մոտեցում դրսևորելով և որոշ լրատ­վամիջոցների չհրավիրելով:

Համենայնդեպս, «Հրապարակը» հրավեր չի ստացել: Ավելին՝ ան­գամ «Իմ քայլը» խմբակցությունում երեկ տեղյակ չէին, որ նման քննարկում է նախաձեռնվել: Հրաչ Հակոբյանն արդարացավ, թե իր օգնականն է հրավիրել ԶԼՄ-ներին, ինքը տեղյակ չէ, թե ում»։

Նյութն ամբողջությամբ կարդացեք «Հրապարակ»-ում։