Ինչո՞ւ Մովսես Հակոբյանի հանդեպ չի գործել սելեկտիվ արդարադատություն. «Իրատես»

«Իրատես» թերթը գրում է. «Ասում են, թե Արցախի պաշտպանության երբեմնի նախարար, ՀՀ ԶՈՒ ԳՇ նախկին պետ Մովսես Հակոբյանի նկատմամբ իշխանական սելեկտիվ արդարադատությունը չի գործել նաեւ ԱԱԽ քարտուղար Արմեն Գրիգորյանի՝ քրոջորդու անդուլ ջանքերի շնորհիվ, որը փորձել է «մաքրել» քեռուն բոլոր կարգի «մեղադրանքներից»։

Հիշենք՝ Արցախի ՊՆ նախկին փոխնախարար Օգանովսկին մարտի 1-ի գործով կանչվել էր հարցաքննության եւ հարց էր տվել քննիչին, թե ինչու են իրեն կանչել հարցաքննության եւ ոչ պաշտպանության նախարար Մ. Հակոբյանին, որի հրամանի ներքո գործել է ինքը։

Մ. Հակոբյանը պաշտոնավարման օրերին «մեղադրվում» էր նաեւ լրջագույն բիզնես-հետաքրքրություններ ունենալու մեջ. ըստ մամուլի՝ «ՊՆ-ի գնումների մեծ մասը կատարում են 3-4 ընկերություններ, որոնք բոլորն էլ պատկանում են ԶՈՒ գլխավոր շտաբի պետ Մովսես Հակոբյանին»։

Նույն աղբյուրների փոխանցմամբ՝ հենց Մ. Հակոբյանն էր ժամանակին արտահոսքեր կազմակերպում մամուլում՝ պաշտպանության այն օրերի նախարար Վիգեն Սարգսյանի մասին։

Ասում են նաեւ, թե այսօր ռազմական տեսուչի ապահով պաշտոնում հանգրվանած զինվորականը ժամանակին իր քրոջորդուն՝ այսօրվա ԱԱԽ քարտուղարին, շատ ապահով պահել-պահպանել է Արցախի «զբոռնի պունկտում» (այնտեղ է անցել հայաստանյան անվտանգության ապագա սյուներից մեկի զինվորական ծառայությունը)»:

Նյութն ամբողջությամբ կարդացեք «Իրատես»-ում։