Սրճեպ, հեռուստացույցներ, 35 սառնարան՝ մեկ տարում․ Վարչապետի աշխատակազմի սերը՝ տեխնիկայի նկատմամբ․ «Ժողովուրդ»

«Ժողովուրդ» օրաթերթը գրում է․

Նիկոլ Փաշինյանի աշխատակազմը 2024 թվականի հունվարի 30-ին ձեռք է բերել սրճեփ, որի արժեքը կազմել է 299 հազար 999 դրամ։ Սրճեփը եղել է DELONGHI ապրանքանիշի, իսկ մակնիշը՝ ECAM290.31.SB։

Ըստ պայմանագրի՝ սրճեփը պետք է ունենա հետևյալ բնութագիրը՝ աղացի աստիճանների քանակ՝ 13, աշխատանքային ճնշումը՝ 15 բար, սուրճի պատրաստման տեսակները՝ աղացած/հատիկավոր, հատիկավոր սուրճի տարայի տարողությունը՝ առնվազն 250 գրամ, հզորությունը՝ 1450 Վտ, ջրի տարողությունը՝ 1.8լ, ավտոմատ անջատման և գավաթի տաքացման ֆունկցիոնալությամբ, Էկրանի, ջրի ֆիլտրի և շարժական կաթի տարայի առկայություն, սուրճի պատրաստման տեսակները՝ էկսպրեսսո, կապուչինո, լատե, մակիատո: Ապրանքը պետք է լինի նոր և չօգտագործված: Գույնը համաձայնեցվում է պատվիրատուի հետ:

Սրճեփի երաշխիքը նախատեսված է մեկ տարի ժամկետով։

Հավելենք նաև, որ վարչապետի աշխատակազմը 2018 թվականից կենցաղային տեխնիկաներ գնելու հակում ունի։ Գնվում են 500 հազար դրամանոց հեռուստացույցներ, գնվել է 35 սառնարան՝ 1 մլն 960 հազար դրամ ընդհանուր արժեքով։

Ստացվում է, որ վարչապետին ենթակա մարմիններն ամեն ինչ անում են իրենց տանը զգալու համար»։

Մանրամասները՝ «Ժողովուրդ» օրաթերթի այսօրվա համարում: