Մարությանը պետք է ազնիվ պատասխանի մի կարևոր հարցի. իր կինն ու երեխաները ո՞ր երկրի քաղաքացիներ են. «Ժողովուրդ»

«Ժողովուրդ» թերթը գրում է. «Հայկ Մարությանը, որ մոնոներկայացումներից հետո որոշել է նախընտրական հյուրախաղերով շրջել մայրաքաղաք Երևանում, պետք է ազնիվ պատասխանի մի կարևոր հարցի. իր կինն ու երեխաները ո՞ր երկրի քաղաքացիներ են:

«Ժողովուրդ» օրաթերթը, իհարկե, երկու օր շարունակ փորձեց քաղաքապետի թեկնածու Հայկ Մարությանից կամ նրա թիմից պարզել, թե արդյոք Մարությանի երեխաները և կինը՝ Իվա Մարությանը, Չեխիայի Հանրապետության քաղաքացիներ են, թե ոչ, արդյոք նրանք երկքաղաքացիներ են, սակայն ապարդյուն. չստացվեց: Պետական կառույցներն էլ այս ինֆորմացիան համարում են անձնական տվյալ՝ գաղտնիք:

Բայց «Ժողովուրդ» օրաթերթին տեղեկություններ են հասել առ այն, որ նրանք օտարերկրյա քաղաքացիներ են: Հուսանք՝ այս հրապարակումից հետո շատ թափանցիկ «քաղաքապետը» իր առաջիկա մոնոներկայացումներից մեկում կբացատրի, թե իր ընտանիքի անդամները որ երկրի քաղաքացիներ են, որով ի ցույց կդրվի նաև նրա սերն ու վերաբերմունքը հայրենիքի նկատմամբ:»։

Մանրամասները թերթի այսօրվա համարում