ԱԺ-ն փոխում է կենսաթոշակների, սոցաջակցության, դատական օրենսգրքերը․ ՈւՂԻՂ

Ազգային ժողովն արտահերթ նիստ է անում։ Նախաձեռնողը կառավարությունն է։

Օրակարգում երկու հարց է․

1. ա) «Հայաստանի Հանրապետության դատական օրենսգիրք» սահմանադրական օրենքում փոփոխություններ եւ լրացումներ կատարելու մասին։ բ) Հայաստանի Հանրապետության քրեական դատավարության օրենսգրքում փոփոխություն կատարելու մասին։ գ) «Արդարադատության ակադեմիայի մասին» օրենքում լրացումներ կատարելու մասին
2. ա) «Սոցիալական աջակցության մասին» օրենքում փոփոխություններ կատարելու մասին» օրենքում փոփոխություն կատարելու մասին։ բ) «Պետական կառավարման համակարգի մարմինների մասին» օրենքում փոփոխություն կատարելու մասին։  գ) «Պետական կենսաթոշակների մասին» օրենքում փոփոխություն կատարելու մասին։

Խորհրդարանի դիմաց էլ բողոքի ցույց է՝ «Հայրենիքի փրկության շարժման» կոչով։ Նախապես տարածած հաղորդագրության մեջ Շարժումը հայտնում էր․ «Ազգային ժողովի «Իմ քայլը» խմբակցությունը կառավարության եւ նրա դավաճան ղեկավարի գլխավորությամբ շարունակում է իր հակազգային, հակապետական գործունեությունը: Փետրվարի 3-ին կառավարության նախաձեռնությամբ գումարվելու է Ազգային ժողովի արտահերթ նիստ, որի օրակարգում նույնպես ընդգրկված են հակապետական օրինագծեր: Կոչ ենք անում մեր քաղաքացիներին փետրվարի 3-ին, ժամը 10:00-ին հավաքվել Ազգային ժողովի՝ Դեմիրճյան փողոցի մուտքի մոտ՝ մեր բողոքի ձայնը բարձրացնելու ապազգային իշխանության գործունեության դեմ»։

ԱԺ արտահերթ նիստն առաջարկում ենք դիտել ուղիղ հեռարձակմամբ։