Գործուղման և ընտրական ծախսեր, որոշումների չեղարկում, հիմնարկի լուծարում․ կառավարության նիստը

Նոյեմբերի 8-ը կառավարության հերթական նիստի օրն է։ Գործադիրի օրակարգում ներառվել էր 32 հարց, որից 21-ը՝ չզեկուցվող։

Գործադիրը՝

• Սահմանեց քաղաքացիական ծառայողի ծառայողական գործուղման պայմաններն ու կարգը։
• «Էջմիածին» բժշկական կենտրոն» ՓԲԸ-ի՝ հավատարմագրային կառավարման հանձնելու որոշումը չեղարկեց։
• Սահմանեց ՀՀ-ում դեղերի առաքմանը ներկայացվող տեխնիկական և մասնագիտական պահանջները։
• Վերաբաշխում արեց պետական բյուջեում։
• Սահմանեց իր մշտական բնակության վայրից դուրս գործուղվելիս կամ արտագնա նիստ անցկացնելիս դատավորի ծախսերը հատուցելու կարգը և չափը։
• Հաստատեց պետական մարմնին հանձնված (ամրացված) գույքը հաշվեկշռում հաշվառելու կարգը։
• Գումար հատկացրեց ԱԺ արտահերթ ընտրությունների կազմակերպման և անցկացման համար։
• Վահե Դեմիրճյանին գործուղեց Եվրոպայի խորհրդի մարդու իրավունքների եվրոպական դատարանի վճիռների կատարման վարչություն։
• Հանդես եկավ օրենսդրական նախաձեռնություններով։
• Հաստատեց «Քիմիական նյութերի մասին» Հայաստանի Հանրապետության օրենքի հայեցակարգը։
• Զորակոչից տարկետում տվեց։
• Հաստատեց 2018/2019 ուսումնական տարվա ասպիրանտուրա ընդունելության՝ նպաստի ձևով ուսման վճարի փոխհատուցմամբ (անվճար), հեռակա ուսուցմամբ տեղերի բաշխումը։
• Ուժը կորցրած ճանաչեց Զինվորական հաշվառման կարգը հաստատելու մասին կառավարության՝ 2010 թվականի որոշումը։
• Գումար հատկացրեց մշակույթի, Սփյուռքի նախարարություններին։
• Լուծարեց գյուղատնտեսության նախարարության «Ագրոսպասարկում» ՓԲԸ-ն։
• Կազմակերպեց գնման գործընթաց։
• Պետական գույք տվեց վարձակալության։

Գործադիրի նիստն առաջարկում ենք դիտել ամբողջությամբ։