ՀՀ նախագահ Արմեն Սարգսյանի երդմնակալության արարողությունը. Ամբողջական տեսանյութ

Կարեն Դեմիրճյանի անվան մարզահամերգային համալիրում ապրիլի 9-ին գումարվել է ԱԺ հատուկ նիստ՝ նվիրված ՀՀ չորրորդ նախագահ Արմեն Սարգսյանի պաշտոնի ստանձնման արարողությանը: Մասնակիցների թիվը 1300 է: 

Նախագահի պաշտոնի ստանձնումը կատարվում է հետևյալ կերպ.

ԱԺ հատուկ նիստը բացում է ԱԺ նախագահը, ինչից հետո դահլիճ են բերվում ՀՀ պետական դրոշը, նախագահական իշխանության խորհրդանշանը, ՀՀ Սահմանադրության մայր օրինակը և Վեհամոր Ավետարանը:

ՀՀ նորընտիր Նախագահը հրավիրվում է ամբիոնի մոտ և ընթերցում երդման տեքստը։ ՀՀ նախագահը պաշտոնն ստանձնում է ժողովրդին տրված հետևյալ երդմամբ. «Ստանձնելով Հայաստանի Հանրապետության Նախագահի պաշտոնը` երդվում եմ. անվերապահորեն կատարել Սահմանադրության պահանջները, հարգել մարդու և քաղաքացու իրավունքներն ու հիմնական ազատությունները, ապահովել Հանրապետության անկախությունը, տարածքային ամբողջականությունը և անվտանգությունը` ի փառս մեր հայրենիքի և ի բարօրություն մեր ժողովրդի»: Այնուհետև ՀՀ Նախագահը ստանում է Ամենայն Հայոց Կաթողիկոս Գարեգին Բ–ի օրհնությունը։

Այնուհետև պաշտոնը ստանձնած նախագահն իր առաջին ուղերձն է հղում ժողովրդին։  Նախագահի՝ պաշտոնի ստանձնման արարողության լուսանկարները՝ այստեղ:

Արարողությունն առաջարկում ենք դիտել ուղիղ հեռարձակմամբ: