15 03 2021

Ինչ նպատակով է Փաշինյանը ՌԴ պատվիրակություն ուղարկում. Սուրեն Պարսյան

ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը գրում է.

«Ինչ նպատակով է Փաշինյանը ՌԴ պատվիրակություն ուղարկում

2021 թվականի մարտի 15-ին Նիկոլ Փաշինյանը ստորագրել է պատվիրակություն Ռուսաստանի Դաշնություն գործուղելու մասին որոշումը: Չնայած որոշման մեջ նշված չէ պատվիրակության գործուղման նպատակը, սակայն պատվիրակության կազմից և ընտրված ժամանակահատվածից (2021 թվականի մարտի 16-18-ը) պարզ է դառնում, որը գործող իշխանությունները ռուսական կողմի հետ գազի գնի շուրջ բանակցություններ են տանում: Պատվիրակության մեջ ընդգրկված են վերջին տարիներին ձախողած գազային բանակցությունների ղեկավար փոխվարչապետ Մհեր Գրիգորյանը, ում օրոք սահմանի վրա գազի գինը բարձրացավ 10%-ով, էներգետիկ ոլորտը համակարգող փոխնախարար Հակոբ Վարդանյանը և ՀՀ հանրային ծառայությունները համակարգող հանձնաժողովի նախագահ Գարեգին Բաղրամյանը:

Հիշեցնեմ, որ մարտի 31-ին ավարտվում է գազի մատակարարման համաձայնագիրը, և նոր պայմանավորվածության բացակայության դեպքում ռուսական կողմը կարող է գազը մատակարարել նույնիսկ ավելի բարձր գնով, քան ներկայիս 165 ԱՄՆ դոլար 1000 խմ-ի հաշվով: Այս ժամանակաշրջանում Մոլդովան և Բելառուսը գազը ստանում են 120-127 ԱՄՆ դոլար կամ մոտ 30% ավելի էժան Հայաստանից:

Մի կողմ թողնելով գործող իշխանությունների նախընտրական խոստումները բնական գազի և էլեկտրաէներգիայի սակագների նվազեցման վերաբերյալ` պետք է արձանագրել, որ հիմնականում բիզնեսի համար 2020 թվականի հուլիս 19-ից բնական գազ սակագինը ավելացավ 6 տոկոսով, իսկ 2021 թվականի փետրվարի 1-ից 8 տոկոսով աճեց էլեկտրաէներգիայի սակագինը, ինչի հետևանքով նաև ունենք աննախադեպ բարձր գնաճ:

Գաղտնիք չէ, որ գազային բանակցությունների վրա ազդում են տնտեսական և քաղաքական բազմաթիվ գործոններ։ Այնուամենայիվ, պետք է հուսալ, որ այս անգամ մեր իշխանությունները առավել լավ են նախապատրաստվել այս բանակցություններին, ինչը թույլ կտա նվազեցնել գազի գինը սահմանի վրա։ Հակառակ դեպքում թանկացող էներգակիրների պայմաններում մեր տնտեսությունը և տնտեսվարողները շարունակելու են կորցնել մրցունակությունը, և էլ ավելի կխորանա ճգնաժամը»։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

ՌԴ պատվիրակություն | Սուրեն Պարսյան

Դիտել նաև

Տնտեսություն 17 04 2024

Տնտեսությունն է ազդում քաղաքական գործընթացների վրա, ոչ թե հակառակը․ Սուրեն Պարսյան

Չկա մի երկիր, որը հիմնական եկամտի հոսքերը ստանում է մի երկրից, բայց քաղաքականապես մեկ այլ երկրի դաշտում է գտնվում․ տնտեսագետ

Տնտեսություն 14 03 2024

Սոթքի հանքավայրը չի աշխատել, բայց 3 անգամ ավել ոսկի ենք արտահանել․ ակնհայտ է, որ դա մերը չէ․ Սուրեն Պարսյան

Սանկցիաների տակ գտնվող ռուսական ոսկին եկել է Հայաստան, ապա արտահանվել․ Ռուսաստանն իր խնդիրն է լուծել, այստեղ էլ մի քանի տնտեսվարող հարստացել է․ տնտեսագետ

Մամուլի տեսություն 14 12 2023

Կառավարության հույսը շարունակում են մնալ արտաքին գործոնները․ Սուրեն Պարսյան. «Փաստ»

Ի վերջո, քաղաքացին միշտ սեփական գրպանով է որոշում երկրի տնտեսության վիճակը. տնտեսագետ

Հասարակություն 28 11 2023

Իրանի տնտեսական ներկայությունը քաղաքական, անվտանգային կարևոր բաղադրիչ է նաև. Սուրեն Պարսյան

Պետք է կարևորենք այս ծրագրի բարեհաջող իրականացումը. տնտեսագետ

Հասարակություն 31 10 2023

Բարձրաստիճան պաշտոնյան չի տարբերում տեղեկատվական տեխնոլոգիաների ոլորտը բարձր տեխնոլոգիաներից․ Պարսյան

Տնտեսագետն արձագանքում է ԲՏ նախկին նախարարի անտեղյակ հայտարարությանը

Տնտեսություն 04 10 2023

ԿԲ-ն «ունեզրկեց» մեր քաղաքացիներին. Սուրեն Պարսյան

Սա կարճաժամկետ էֆեկտ կունենա, դեռ ամեն ինչ նոր է սկսվում․ տնտեսագետ