26 11 2019

Տրամադրել են հերթական խոշոր ապահովագրական հատուցումը՝ 30 միլիոն դրամ

Տրամադրել են հերթական խոշոր ապահովագրական հատուցումը՝ 30 միլիոն դրամ

«Հայաստանի արտահանման ապահովագրական գործակալություն» ԱՓԲԸ-ն ՀԱԱԳ հերթական խոշոր (մոտ 30 մլն ՀՀ դրամ) ապահովագրական հատուցումն է տրամադրել, այս անգամ՝ ձկնաբուծությամբ զբաղվող հայկական ընկերություններից մեկին: Կարևոր է փաստել, որ իր գործունեության ընթացքում ՀԱԱԳ-ը մի շարք արտահանող ընկերություների արդեն իսկ տրամադրել է շուրջ 300 մլն ՀՀ դրամի չափով ապահովագրական հատուցում՝ այդպիսով ծածկելով ՀՀ արտահանողների կրած վնասները և վերջիններիս համար ապահովելով առանց ռիսկերի արտահանում:

Ընդ որում, ՀԱԱԳ 2019 թվականի գործունեության արդյունքում գրանցվել է ցուցանիշների զգալի աճ՝ 2019թ. նոյեմբերի 1-ի դրությամբ նախորդ տարվա նույն ժամանակահատվածի համեմատ ապահովելով ապահովագրական պորտֆելի շուրջ 75 տոկոսանոց աճ:

100 տոկոս պետական մասնակցությամբ այս ընկերությունը Հայաստանի տարածքում գործող միակ ապահովագրական ընկերությունն է, որը ծառայություններ է մատուցում՝ ուղղված ՀՀ ռեզիդենտ տնտեսվարող սուբյեկտների արտահանման հետ կապված հնարավոր վնասների նվազեցմանը և ֆինանսական ռեսուրսների հասանելիության ապահովմանը: ՀԱԱԳ կողմից մատուցվող ապահովագրական ծառայությունները հանդիսանում են  արդյունավետ լուծում հաճախորդների արտահանման ռիսկերի կառավարման համար:

Առաջիկայում ՀԱԱԳ-ը նախատեսում է ընդլայնել համագործակցությունը Հայաստանի ֆինանսական կառույցների, ինչպես նաև միջազգային համանման ընկերությունների հետ՝ ներդնելով արտահանման խթանմանն ուղղված նոր ծառայություններ։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ