Այսօր ունենք մեծաքանակ սերմնացուի դեֆիցիտ, չկա գարնանացան գարու, ցորենի սերմ․ գյուղատնտես

Գյուղատնտեսության ոլորտում առկա ռիսկերի մասին խոսելով  գյուղատնտես Հարություն Մնացականյանը, «Հայկական օրակարգ. տնտեսական ռիսկեր. կյանքի դժվարացում» թեմայով քննարկման ժամանակ նշեց,

«Հայաստանի  գյուղատնտեսութունը լինելով շատ խոցելի և զգայուն ոլորտ,  պահանջում է խնդիրների  անհետաձգելի շտապ լուծումներ, ինչը Հայաստանում, վերջին տարիներին,  չի կատարվում։ Երկրում 200 հազար տոնայից ավել  ներմուծվում է անասնակեր , որը Լարսի փակվելու հետ կապված  և ներկա իրավիճակով պայմանավորված տնտեսվարողները չհիմնավորված  գներ են բարձրացրել։ Եվ հենց սրանով էլ պայմանավորված Հայստանում տեղի է ունենում մեծաքանակ անասունների, թռչունների  մորթ ,  ինչը բացասական հետևանք կարող է ունենալ, քանի որ խոշոր եղջերավոր անասունների գլխաքանակի վերականգնումը պահանջում է երկար տարիներ։  Այսօր ունենք մեծաքանակ սերմնացուի դեֆիցիտ , չկա գարնանացան գարու, ցորենի սերմ և այլն, այս խնդիրն ավելի է խորանալու,  եթե ռուս-ուկրաինական պատերազմը ձգվի մայիսի վերջ և հունիս ամիս»,-նշեց գյուղատնտեսը։  Նրա խոսքով սպասվում է  ձեթի շատ բարձր գնաճ։

Մանրամասն՝ տեսանյութում։