Մինչև 1000 բնակիչ ունեցող բնակավայրի վարչական ղեկավարը կարող է չունենալ բարձրագույն կրթություն

«Տեղական ինքնակառավարման մասին» ՀՀ օրենքում փոփոխություններ և լրացումներ կատարելու մասին որոշման նախագծիծը ներկայացնելիս հիմնական զեկուցող Վաչե Տերտերյանը նշեց, որ 500-ից պակաս բնակիչներ ունեցող   բնակավայրերի վարչական ղեկավարները  կարող են  չունենալ բարձրագույն կրթություն։ Ըստ էության համայնքի ղեկավարի  կրթական ցենզի պահանջը վերաբերվում է միայն այն բնակավայրերին, որն ունի 1000 և ավելի բնակիչ։

 «Հայաստան» Խմբակցության պատգամավոր Արմենուհի Կյուրեղյանն ուղղելով հարցը հարակից զեկուցող Սերգեյ Բագրատյանին նկատեց․

 «Պարոն Բագրատյան դուք նշեցիք, որ խիստ կարևորում եք 1000 և ավելի բնակիչ ունեցող բնակավայրերի համար  վարչական ղեկավարի բարձրագույն կրթություն ունեալու պահանջը , ուզում եմ հիշեցնել, որ ըստ գործող  օրենքի ավագանու անդամների համար կա  18 տարեկանից բարձր լինելու պահանջ, բայց կրթական ցենզի պահանջ չկա։ Արդյո՞ք չի ստացվում  ինչ- որ իմաստով աբսուրդ հակասություն․  խոշորացված համայնքի ղեկավարը կարող է լինել 18 տարեկանից բարձր ՀՀ քաղաքացին՝ առանց  բարձրագույն կրթության , բայց բնակավայրի ղեկավարի համար՝ 1000 և ավելի բնակիչի դեպքում  պահանջվում է բարձրձագույն կրթություն , ինչպե՞ս եք տեսնում այդ հակասությունը»,-հարցադրեց Արմենուհի Կյուրեղյանը։

Նույն  խնդրին վերաբերող հարց հնչեցրեց նաև «Հայաստան» խմբակցության քարտուղար Արծվիկ Մինասյանն՝ ընդգծելով ,  որ այն ռիսսկային է և այդ  մոտեցումը կործանելու է մեր բնակավայրերը։

Մանրամասները՝ տեսանյութում։