Խրոնիկ սրտային հիվանդություններ ունեցողներին ավելի շատ է անհրաժեշտ պատվաստումը․ Համլետ Հայրապետյան

Սրտանոթային հիվանդություններով տառապողները շատ ավելի խոցելի են այս վիրուսի հանդեպ, և նրանք ավելի ծանր են տանում և ցավոք, ելքն ավելի անբարենպաստ է լինում։ Լրագրողների հետ զրույցում ասաց Սրտաբանների ասոցիացիայի նախագահ Համլետ Հայրապետյանը։

«Շատ ավելի է կարևորվում այս հիվանդների պրոֆիլակտիկան կորոնավիրուսից։ Մի կողմից անմիջական վիրուսի պաթոգեն ազդեցությունն է կարևորվում սրտի վրա, որը կարող է բերել սրտի վնասման, սրտամկանի ինֆարկտի, կարող է բերել տարբեր տեսակի առիթմիաների, նաև ընդհանուր փոփոխությունները, որոնք առաջանում են օրգանիզմում այս վիրուսի ներթափանցման պատճառով, նրանք ևս իրենց հերթին ազդում են սրտամկանի գործունեության վրա»։