07 09 2021

Տեխզննումը պարզեցնելու փոխարեն ավելի են բարդացրել․ Սուրեն Պարսյան

Տեխզննումը պարզեցնելու փոխարեն ավելի են բարդացրել․ Սուրեն Պարսյան

Տնտեսագետ Սուրեն Պարսյանը գրում է․

«Տեխզննումը պարզեցնելու փոխարեն ավելի են բարդացրել

Օրեր առաջ կառավարությունը հաստատեց ավտոմեքենաների տեխնիկական զննության կարգը՝ դա ներկայացնելով որպես աննախադեպ «բարեփոխում»։ Դրական պետք է համարել այն, որ կապված ավտոմեքենայի շահագործման տարեթվից տեխզննման ժամկետները տարբեր են լինելու։

Միաժամանակ չգիտես ինչու՞, որպես մեծ ձեռքբերում, նշվում է, որ հանվել է դիմապակու վրայից տեխզննման կտրոն փակցնելու պարտադիրությունը։

Իսկ իրականում, տեխզննման գործընթացը դարձել է ավելի ժամանակատար և աշխատատար։ Մասնավորապես՝

եթե նախկինում վարորդը

Քայլ 1․ այցելում էր բանկ, այնտեղ իմանում և վճարում էր իր ավտոմեքենայի գույքահարկի, բնապահպանական վճարի և տեխզննման ծառայության համար և ստանում տեխզննման կտրոնը,

Քայլ 2․ գնում էր տեխզննման կենտրոն և անցնում տեխզննումը,

ապա ներկայումս նույն վարորդը՝

Քայլ 1․ այցելում է համայնքապետարան, վերցնում ավտոմեքենայի գույքահարկի հաշվարկի թերթիկը,

Քայլ 2․ գնում է բանկ, վճարում է գույքահարկը,

Քայլ 3․ վերադառնում է համայնքապետարան, որտեղ հաստատվում է, որ այլևս պարտք չունի,

Քայլ 4․ վերադառնում է բանկ, վճարում բնապահպանական վճարը,

Քայլ 5․ գնում է տեխզննման կենտրոն, այնտեղ վճարում տեխզննման ծառայությունների համար և անցնում տեխզննում։

Այսպիսով՝ եթե նախկինում տեխզննման գործընթացը երկու քայլով էր իրականացվում, հիմա՝ հինգ։

Հ․Գ․ Կարևորը՝ տեխզննման կտրոն չենք փակցնում․․․․»

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ