23 07 2021

Եթե իշխանությունները կարևորեին մշակույթը, թատրոն չէին փակի․ դերասանուհի



Սա անհեթեթ որոշում է և ոչ պրոֆեսիոնալ մոտեցում է թատրոնին, արվեստին։ Ոչ պարոն Դումանյանը, ոչ Արա Խզմալյանը մեր թատրոն չեն եկել, չեն տեսել մեր աշխատանքը և նրանց կողմից մենք անտեսված ենք։ Այս մասին ԿԳՄՍ նախարարության մոտ ակցիայի ժամանակ ասաց Պետական երաժշտական կամերային թատրոնի դերասանուհի Լուսինե Մանուկյանը։

Նշենք, որ ԿԳՄՍ նախարարությունը պատրաստվում է միավորել Պարոնյանի անվան կոմեդիայի և Պետական երաժշտական կամերային թատրոնները, Կամերային թատրոնի շենքը հատկացնելով Հայաստանի պետական սիմֆոնիկ նվագախմբին, ինչին թատրոնների կոլեկտիվները դեմ են:

«Նրանք պետք  հասկանան, որ պետք է հանգիստ թողնեն արվեստագետներին, որ ստեղծագործեն։ Ստեղծագործող մարդուն չի կարելի նման վիճակի մեջ դնել»,- նշեց Մանուկյանը։

Դերասանուհու խոսքով, մշակույթը իշխանությունների կողմից բավարար ուշադրություն չի դարձվում․ «Եթե նրանք կարևորեին մշակույթը, թատրոն չէին փակի»։

Մանրամասն՝ տեսանյութում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ