Միջոցառումներ չեն լինի․ ամանորյա ներկայացումներ կլինեն մեր թատրոններում, դա շատ կարևոր է․ Փաշինյան

Կառավարության նիստում այսօր զեկուցվող հարցերի շրջանակներում ընդգրկված էր Արցախի նախադպրոցական տարիքի երեխաների ամանորյա աջակցության միջոցառումը հաստատելու մասին հարցը:

Միջոցառման նպատակն է՝ Ամանորի կապակցությամբ սոցիալական աջակցություն տրամադրել 2015 թվականի հունվարի 1-ին կամ դրանից հետո ծնված՝ 2020 թվականի դեկտեմբերի 23-ի դրությամբ Արցախում հաշվառված երեխաներին։

Սույն միջոցառման շահառու է հանդիսանում 2015 թվականի հունվարի 1-ին կամ դրանից հետո ծնված՝ 2020 թվականի դեկտեմբերի 23-ի դրությամբ Արցախում հաշվառված երեխան (այսուհետ՝ շահառու)։

Սոցիալական աջակցությունը տրամադրվում է միանվագ դրամական աջակցության ձևով՝ յուրաքանչյուր երեխայի համար 20000 դրամի չափով։

«Հասկանալի պատճառներով այս տարի ամանորյա միջոցառումներ չեն լինի, բայց կարծում եմ, որ պետք է առավելագույնն անել, որ երեխաները չզրկվեն ամանորյա միջոցառումներից: Ամանորյա ներկայացումներ կլինեն մեր թատրոններում, դա շատ կարևոր է: Պետք է խրախուսել, որպեսզի երեխաների համար Ամանորը պատշաճ ձևով տեղի ունենա»,-ասաց նա: