Հրապարակից հայը հային սպանելու կոչեր էին հեռարձակում. Հայկ Մամիջանյան

Հայկ Մամիջանյանը ֆեյսբուքյան իր էջում գրում է.

Արծրուն Հովհաննիսյանը գրում է, որ ուսադիրների «տակ էր» և կատարում էր հրամաններ: Ժողովրդին բացահայտ կեղծ լուրեր տրամադրելը, պետական պրոպագանդան մեծամասշտաբ խաբեության վերածելը և զինվորական համազգեստով ուղիղ եթերում նախկին-ներկա կեղտոտ պառակտում մտցնելը չի մոռացվելու:

Հիշեցնեմ, որ պարոն Հովհաննիսյանի ասած «մի քանի անգամ ավելի շատ նորագույն տեխնիկայի» գնման պայմանագրերը կնքվել են մինչև 2018 թվականը: Հարցնում էիք, թե որտեղից մեր կուսակցության որոշ անդամներ գիտեն գնվող սպառազինության ծավալը... մի պարզ պատճառով` դրա գնման պայմանագրերի մեծ մասը մեր օրոք է կնքվել:

Գիտակցեք, որ կիսում եք պատասխանատվությունը նրա համար, որ երեկ Հանրապետության Հրապարակի էկրանից հեռարձակվում էր կեղծ հայհոյախառն տեսանյութ, որտեղ բռնության կոչեր էին անում:

ՀԱՍԿԱՆՈՒ՞Մ ԵՔ. հրապարակից հայը հային սպանելու կոչեր էին հեռարձակում:

Ինչքան ես գիտեմ, ըստ զինվորական կանոնագրքերի, հրամանները չեն քննարկվում. դու կատարում ես քո ստացած հրամանը` հետո քննարկում այն քեզ հրաման տվողի վերադասի հետ: Ենթադրենք Արծրուն Հովհաննիսյանը այդպես է արել և կատարել է վարչապետի (կամ այլ մարդու) հրամաններ: Բայց հիմա կարող է քննարկել դրանք վարչապետի միակ վերադասի` ժողովրդի հետ: Պատմեք, թե ինչ հնարքներ են հրամայել օգտագործել, ինչ են հրամայել ծածուկ պահել ՄԻԱՅՆ քաղաքական շահերից ելնելով:

Պատմեք` մենք դա իմանալու իրավունք ունենք:

Այլապես դուք կդառնաք մի քանի նախարար փոխած, ամեն անգամ նոր «շեֆի» հրամանով իր նախկին ղեկավարին վարկաբեկող հեշթեգերի տիրակալ:

Այս մի հեշթեգն էլ իմ կողմից` #դատվելուեք