17 09 2020

Հանձնարարեցի Արյունաբանական կենտրոնի տնօրենի հետ աշխատանքային պայմանագիրը երկարաձգել․ Նիկոլ Փաշինյան

Հանձնարարեցի Արյունաբանական կենտրոնի տնօրենի հետ աշխատանքային պայմանագիրը երկարաձգել․ Նիկոլ Փաշինյան

Առողջապահության նախարարին հանձնարարեցի երկարացնել Ռ. Յոլյանի անվան Արյունաբանական կենտրոնի տնօրենի հետ աշխատանքային պայմանագիրը: Այս մասին ֆեյսբուքյան իր էջում գրել է ՀՀ վարչապետ Նիկոլ Փաշինյանը։

«Չթաքցնեմ, տարակուսած եմ, որ այս պատմության ընթացքում որոշ բժիշկների կողմից թեկուզ ոչ ուղղակի սպառնալիք է հնչել հիվանդ երեխաներին թողնել առանց խնամքի: Եթե նրանք երեխաներին բուժում են այնպես, ինչպես խոսում են, մտածելու շատ լուրջ բան ունենք:

Ամեն դեպքում նման կեցվածքը չի կարող անարձագանք մնալ, առնվազն ստուգելու համար տպավորությունների եւ իրականության հարաբերությունները»,- գրել է նա։

Հիշեցնենք, որ երեկ Մանկական քաղցկեղի և արյան հիվանդությունների կենտրոնի ամբողջ աշխատակազմը՝ բժիշկները, բուժքույրերը, հոգեբանները, մանկավարժները, մայրապետները, բոլորն ամբողջությամբ ազատման դիմում են ներկայացրել։  Ավելի ուշ ի նշան բողոքի Ռ․ Յոլյանի անվան Արյունաբանության կենտրոնի Մեծահասակների քիմիաթերապիայի կլինիկայի ողջ անձնակազմը ևս աշխատանքից ազատման դիմում էր գրել։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ