Հայերին հանել են Մոսկվայի «Տվոյ Դոմ» առևտրի կենտրոնից․ քաղաքագետ

Միջազգային խնդիրները Մոկսվայում հայերի և ադրբեջանցիների միջև նոր թափ են առնում։  Այս մասին ֆեյսբուքյան իր էջում գրել է Մոսկվայում բնակվող քաղաքագետ Մարիամ Հովսեփյանը և հրավիրել լրագրողների ուշադրությունը։

««Ֆուդ Սիթի» ԱԿ-ի հետ «Ֆուդ Սիթի Լոգիստիկ» ընկերությունը, որի սեփականատերը մեր հայրենակինցն է, խզել է 40 մլն․ ԱՄՆ դոլարի արժողությամբ պայմանագիրը, մոտակա օրերս ամբողջ հրեական համայնքը փորձում էր կարգավորել այս հարցը, բայց պայմանագիրը խզվեց։

Այսօր արդեն մեր հայրենակիցներին հանել են «Տվոյ Դոմ» ԱԿ-ից, որի սեփականատերը նույնպես ադրբեջանցի է»,- գրել է նա։

Վերջին օրերին հայ-ադրբեջանական սահմանին լարվածության ֆոնին՝ հուլիսի 16-ի գիշերը Մոսկվայի ամենամեծ մեծածախ շուկաներից մեկից՝ «Ֆուդ Սիթի» գյուղատնտեսական ապրանքների շուկայից հանել էին հայկական ապրանքներով բեռնված մեքենաները, որոշ մատակարարներ ահազանգում էին, որ մթերքն արդեն փչացել է: 

Հուլիսի 18-ին հայտնի դարձավ, որ ռուսաստանաբնակ հայերը մոբիլիզացվել և գնել են Մոսկվայի մեծածախ «Ֆուդ Սիթի» շուկայից դուրս հանված ֆուռերում եղած ամբողջ հայկական ծիրանը: 

РИА Новости-ի փոխանցմամբ՝ շուկան պատկանում է «Կիևսկայա պլոշչադ» ընկերությանը, որը ղեկավարում է Մոսկվայում խոշորագույն կոմերցիոն անշարժ գույքի գործակալություններից մեկի սեփականատերերի՝ Գոդ Նիսանովի և Զարախ Իլիևի ակտիվները: