16 07 2020

Դասալիքների իշխանությու՛ն, արյունը դիվիդենտի վերածելը շանտղություն է. Վահե Եփրիկյան

Դասալիքների իշխանությու՛ն, արյունը դիվիդենտի վերածելը շանտղություն է. Վահե Եփրիկյան

 

Փաստաբան Վահե Եփրիկյանն իր ֆեյսբուքյան էջում գրել է.

«Արցախյանից փախել է, Ապրիլյանին մասնակցել է մայիսին, որ այս օրերին խոսելով Ադրբեջանի կիրթ ու կառուցողական ժողովրդի հետ՝ պաշտպանի մեր պետական սահմաններն, այո՛, հենց Աննայի ծաղիկներն ու Նիկոլի խոսքերն են կանգնացրել թշնամու տանկը, խոցել թանկարժեք ԱԹՍ-ն, շեհիդի վերածել ոսոխին, ոչնչացրել նրանց դիրքերն, իսկ ՊՆ Դավիթ Տոնոյանը, Գլխավոր շտաբի պետ Օնիկ Գասպարյանը, բանակային երրորդ կորպուսի հրամանատար Գրիգորի Խաչատուրովն ու #Խաղաղություն_չմուրացող_այլ_պարտադրող_մեր_Տղերքը հե՜չ. դասալիքների իշխանությու՛ն, արյունը դիվիդենտի վերածելը շանտղություն է, վերջապես որևէ մեկի համար գաղտնիք չէ՝ Նիկոլն այժմ գերագույն գլխավոր հրամանատար չէ, ձեր մեծամասնությունը բանակի հետ պարզապես աղերս չունի, իսկ դուխը՝ միայն կեպկայի վրա գրառումի տեսքով է դրսևորվում ձեզ մոտ, էնպես որ մի լկտիացեք ու հաշտվեք՝ կեցցե՜ն բանակաշինության ակունքներում կանգնածները, հայ զինվորի մարտական ոգին մշտապես բարձր պահողները, լավագույնս զինված ու մարտունակ բանակի հիմնադիրներն ու, իհարկե, ռազմական փայլուն մտքով ու սեփական կյանքով մեր պետականությունը պաշտպանող փառահեղ մեր սպաներն ու զինվորներն, իսկ դուք ոչ այլ ինչ եք, քան Արցախյան հերոսամարտը《Թավշյա Հեղափոխությանը》 ստորադասած, Ապրիլյան պատերազմն ամոթալի պարտություն համարող, թշնամու դիակների վրա սգացող, հայ սպային գլխատածին հերոսի կոչում շնորհածին կիրթ ու կառուցողական անվանող, Շուշիում Մեհրիբանին մուղամ լսելու հրավիրող, զենքերից զարդ պատրաստող կամ դրանք փտեցնող, մեր զոհերը հանուն ոչնչի համարող, Ապրիլյանի հերոսի նկարը լկտիաբար ձեռքներիդ բռնած՝ նրա կեղծ պապին հրապարակ բարձրացնող, բանակը պատվազրկող, բանակի հերոսներին դատող դասալիք սրիկաներ։

 Ցավում եմ, որ արտաքին թշնամու ռեխը փակելուն զուգահեռ, ստիպված եմ այս օրերին մերթընդմերթ կարգի հրավիրել նաև ձեզ, պետությունը ներսից ծծող չարորակ գոյացություննե՛ր. ամեն լպիրշություն սահման ունի, մեր երկամյա զգուշացումներին ի պատասխան՝ ձեր լկտիությունից, անհաղորդությունից, կեղծ խաղաղասիրությունից հետո, այժմ միայն պետք է տղերքի ոտքերը լվաք, ջուրը խմեք, ոչ թե էդ տղերքի մաքառումը վերագրեք ձեզ՝ պետությունն ու բանակը դեռ երեկ ստորացնողների՛դ, օդում կախված լուրերի համաձայն՝ ելակի շղարշի տակ զենքի ապօրինի վաճառքով զբաղվողներիդ, մարտական գեներալներին աշխատանքից ազատողներիդ, իսկ որ ամենասարսափելին է՝ նրանց մեղադրյալի աթոռին նստեցնողներիդ։

 Հ.Գ. Մեր՝ հայրենասիրությունից ու պետականակենտրոն մտքից մի օգտվեք, էն որ հայացքներս դեպի պետական սահմանն ու հակ զինվորն ա, չի նշանակում՝ առիթից պետք է օգտվեք ու նիկոլյան տխրահռչակ փաստերի մեջ հավելեք մեր տղերքի արյամբ պահվողը, մեր այժմյան լռությունն օգտագործեք քաղաքական շահերի համար, հերիք է, ինչքան դիասակարկմամբ զբաղվեցիք՝ Մարտի 1 ֊ից մինչ համաճարակ, այժմ պապանձվեք, թող պետության ու հայրենիքի արժեքն իմացողները պահեն այն, իսկ դուք թաքուն աղոթեք՝ ձեր տերերի նավթամուղը չխոցվի կամ սգացեք ձեր սիրելի թուրքի մահը»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ