04 02 2020

Իշխանությունը 5-րդ ալիքը վերցրել է նշանառության տակ. «Մեդիա պաշտպան»

Այսօր ԱԺ-ում տեղի ունեցած մամուլի ասուլիսի ժամանակ ԵԽԽՎ-ում հայաստանյան պատվիրակության ղեկավար, «Իմ քայլը» խմբակցության պատգամավոր Ռուբեն Ռուբինյանը 5-րդ ալիքի լրագրողի հարցին հեգնական պատասխան տվեց` հիշեցնելով վերջինին, թե որ լրատվամիջոցն է նա ներկայացնում:

Հեռուստաընկերության տնօրեն Հարություն Հարություննյանն իր վրդովմունքն էր հայտնել՝ ֆեյսբուքյան էջում գրելով. «Եթե սա նորմալ է ուրեմն մենք, կամ ոչինչ չենք հասկանում, կամ ուղղակի չպետք է նման բաներին անդրադառնանք, որպեսզի մեզ նեգատիվ լուրեր թողարկող լրատվամիջոց չներկայացնեք: Ի՞նչ կարծիքի եք... Բորիս Նավասարդյան և Աշոտ Մելիքյան: Հա, ի դեպ, դուք էլ չգիտե՞ք, թե՝ գիտեք, բայց չգիտեք»:

Նկատենք, որ երեկ էլ Ռուբեն Ռուբինյանը Հանրային հեռուստաընկերության տաղավարում Պետրոս Ղազարյանի հյուրն էր: Պատգամավորն իրեն դարձյալ ագրեսիվ էր դրսևորում՝ թույլ չտալով Պետրոս Ղազարյանին ավարտել իրեն ուղղված հարցը:

«Մեդիա պաշտպան» նախաձեռնությունը դատապարտում է լրատվամիջոցներին պիտակավորելու մոտեցումը և կոչ է անում պատգամավորին լրագրողների հետ շփվելիս դրսևորել զպվածություն ու հարգել նրանց աշխատանքը, անկախ հանգամանքից` հարցը ցանկալի է, թե՝ ոչ:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

5-րդ ալիք | իշխանություններ | Մեդիա պաշտպան | ԶԼՄ-ներ

Դիտել նաև

Քաղաքական 06 03 2024

Իշխանական սրիկաները շարունակում են թշնամանք սերմանել. Լևոն Քոչարյան

Ամեն ստի ու կեղծիքի պատրաստ են՝ իրենց աթոռները պահելու համար․ Լևոն Քոչարյանն անդրադարձել է իր անվամբ շրջանառվող կեղծիքին