04 02 2020

Նիկոլը գիտակցված է ստեղծել միջադեպը, ՀԴՄ-ն ուղարկել են․ Վազգեն Սաղաթելյան

Նիկոլը գիտակցված է ստեղծել միջադեպը, ՀԴՄ-ն ուղարկել են․ Վազգեն Սաղաթելյան

Սյունիքի նախկին մարզպետ Վահե Հակոբյանի  մամուլի խոսնակ Վազգեն Սաղաթելյանը գրել է․

«Փաշինյանը երեկ ընտանիքով գնացել ա Արցախի Ari Resort, հաց ա կերել, հաշիվն ուզել ու տեսել ա որ ՀԴՄ չկա։ Պահանջել ա կտրոնը, աշխատակիցները տեղեկացրել են, որ փորձում են տպել, բայց սարքը չի աշխատում։ Էլի մի որոշ ժամանակ սպասել ա, բայց սարքը չի կարգավորվել։ Էն իրա լաչառ ձևով աղմուկ ա բարձրացրել ու թե բա դուք զինվորի հացն եք ուտում։ Այսօր էլ գրառում ա արել այդ դեպքի մասին, որտեղ նշել ա, որ ՀԴՄ սարքի հետ նման խնդիր լինում ա երբ աշխատակիցները կտրոն տպելու փորձ չեն ունենում (ակնարկելով, որ էդ ռեստորանը առհասրակ ՀԴՄ չի տրամադրում)։

Հիմա, ռեստորանը պատկանում ա Արշակ Զաքարյանին, ում հանդեպ անկեղծ ասած անձնական հակակրանք ունեմ, արդեն չեմ էլ հիշում ինչի հետևանքով է այն առաջացել, ԲԱՅՑ միանշանակ է այն, որ էս մարդը բանակի համար լիքը լիքը բան ա արել, հիշում եմ տարիներ առաջ գումար, տեխնիկա էր հավաքում, գիշերային տեսողության սարքեր, օպտիկաներ և այլն ու ուղարկում այդ ամենն Արցախ։ Բացի դա, մեկն ինձ համար ակնհայտ է, որ նման տեղում ռեստորան կառուցելը առաջին հերթին սոցիալական նախագիծ է և միայն հետո բիզնես։ Արշակն էլ քայլառաստների ու հենց Նիկոլի դեմ հրապարակումներով է հաճախ հանդես գալիս, լսարան էլ ունի, ուստի Նիկոլը մեծ հավանականությամբ գիտակցված է ստեղծել այս միջադեպը։

ՀԴՄ-ն կես ժամ հետո ուղարկել են վայբեռով, պարզվել ա որ ֆիքսված հարկ ա վճարում ռեստորանը ու ՀԴՄ կտրոն չտպելու իմաստ չկա, էլ չեմ ասում որ պիտի ծայրահեղ դեգեներատ լինես, որ հենց Նիկոլին չտրամադրես կտրոնը։ Ինչ վերաբերում է այն ակնարկին, թե ռեստորանը առհասրակ չի տրամադրում ՀԴՄ ուզում եմ հարցնել, բա դեկտեմբերի 1-ին, երբ կրկին այդտեղ հաց էիր ուտում, էդ ժամանակ էլ չե՞ն տվել կտրոն։ Եթե չեն տվել, էն անգամ ինչի՞ աղմուկ չբարձրացրեցիր, իսկ եթե տվել են, ապա ինչու ես սուտ ակնարկներ անում ու ինչու ես քո դասալիք հալով բանակի համար լիքը բան արած տղերքին ասում «զինվորի հաց ուտող»։ Չե՞ս ամաչում, արա...»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ