15  07  2019

ՊԵԿ-ը տուգանել է ռուսական ռազմաբազային՝ ՀԴՄ չտրամադրելու համար

ՊԵԿ-ը տուգանել է ռուսական ռազմաբազային՝ ՀԴՄ չտրամադրելու համար

Պետական եկամուտների կոմիտեն որոշել է հետ չմնալ պետական մարմիններում տիրող հակառուսական քաղաքականության թրենդից, մի փոքրիկ «նվեր» էլ ինքն է արել: Օրերս ՊԵԿ-ը տուգանել է Գյումրիում տեղակայված ռուսական ռազմաբազային։ Ըստ որոշման, պատճառը ՀԴՄ չտրամադրելն է։

Ուշագրավ է երկու հանգամանք․ տուգանքը կատարվել է այն բանից հետո, երբ Հայաստանում ՌԴ դեսպան Սերգեյ Կոպերկինը հանդիպեց երկրորդ նախագահ Ռոբերտ Քոչարյանի հետ: Դրանից հետո իշխանության մեջ դժգոհության ալիք բարձրացավ, թե ինչու է դեսպանը քաղաքական հանդիպումներ ունենում։ Անգամ դեսպան հրավիրեցին ԱԳՆ՝ առանց այդ մասին պատշաճ հաղորդագրություն տարածելու։

Ահա այս ֆոնին ՊԵԿ-ը որոշեց հետ չմնալ հաթաթա տվողներին: Ընդ որում, ՊԵԿ-ը ռազմաբազային տուգանում է արդեն երկրորդ անգամ։

Այս ամենին գումարենք հայ-ռուսական օր-օրի լարվող հարաբերությունները, ԵԽԽՎ-ում հայկական պատվիրակության իշխանական ներկայացուցիչների անպատասխանատու պահվածքը․ հասկանալի է դառնում, որ որքան էլ Փաշինյանն օրումեջ հայտարարի, թե երբեք այսքան ջերմ չեն եղել հարաբերությունները, իրականությունը բոլորովին այլ է։

Ի վերջո, չմոռանանք, որ ՀԴՄ չտրամադրելը Հայաստանում տարածված պրակտիկա է, որ եթե բոլորին տուգանելու սկզբունքով առաջնորդվեն, ապա Հայաստանում կլինեն ընդամենը մի քանի հիմնարկներ, որոնք պատվով դուրս կգան այս գործընթացից:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ