Հայաստանում հոկտեմբերին սպասվում է «Ավրորա» ֆորումը

«Ավրորա» ֆորումի նախաձեռնողները հայտարարություն են տարածել, որում նշվում է․

«Գլոբալ հայերի բաց նամակը» ուղերձ-կոչի հրապարակիցումից հետո, Հայաստանում սահմանադրական փոփոխություններից, նորընտիր նախագահ և անկանխատեսելի Թավշյա հեղափոխությունից հետո այժմ նորընտիր առաջնորդների և կառավարության հետ գրելով մեր դարավոր պատմության նորագույն էջը՝ աշխարհասփյուռ հայությունը հնարավորություն է ստացել աննախադեպ կերպով ակտիվանալու և միասնաբար ներգրավվելու՝ որպես ապագայի համահեղինակ:

Համագործակցելով հայաստանյան և օտարերկրյա բազմաթիվ կազմակերպութ­յուն­­ների հետ և ընդգրկելով տարբեր ոլորտներ՝ «Ավրորա» ֆորումը կենտրոնանալու է մարդկության առաջընթացի վրա՝ ստեղծելով միջազգային կապերը միակցելու և խթանելու, առկա մարտահրավերներն ու դրանց լուծումները քննարկելու բացառիկ հնարավորություն:

«Ավրորա» ֆորումի  հեռահար օրակարգի իրականաց­մա­նը սատարում են բազմաթիվ կազմակերպություններ՝ գլոբալ մարտահրավերները հաղթահարելու և տեղական զարգացումը խթանելու համընդհանուր հանձնառությամբ:

«Աշխարհի բազմաթիվ երկրներից բացառիկ անհատներ, որոնք նշանակալի ձեռքբերումների են հասել մարդկության առաջընթացի տարբեր ոլորտներում, հրավիրվում են միանալու և աջակցելու «Ավրորա» ֆորումի զարգացմանը: Նրանց անունները հանրությանը հայտնի կդառնան մարտի 10-ին՝ «Ավրորա» մարդասիրական նախաձեռնության 4-րդ տարեդարձի խորհրդանշական օրը. «Ավրորա» ֆորումը հիմնադրվել է հենց վերջինիս կողմից՝ Հայաստանի զարգացման նախաձեռնություններ (IDeA) հիմնադրամի, Հայաստանի գիտության և տեխնոլոգիաների հիմնադրամի (FAST), «Scholae Mundi» համաշխարհային կրթական հարթակի և «UWC Դիլիջան» միջազգային քոլեջի հետ համագործակցությամբ»,- նշել է «Ավրորա» ֆորումի խորհրդի անդամ Արման Ջիլավյանը:

«Ավրորա» ֆորումը կանցկացվի Հայաստանում 2019թ. հոկտեմբերի 14-21-ը: Ֆորումը կմիավորի սոցիալական, տեխնոլոգիական, նորարա­րությունների, կրթական և մարդասիրական ոլորտների աշխարհի առաջատար շրջանակներին՝ կյանքի կոչելով տարածաշրջանում եզակի համալիր մի ծրագիր»։