Փառքից մինչև ծերանոց․ Վախճանվել է ժողովրդական արտիստ Ռաֆայել Ջրբաշյանը

Վախճանվել է Հայկական ԽՍՀ արվեստի վաստակավոր գործիչ, Հայաստանի Հանրապետության ժողովրդական արտիստ Ռաֆայել Ջրբաշյանը։

1954-1969 թվականներին եղել է Երևանի Սպենդիարյանի անվան օպերայի և բալետի թատրոնի ռեժիսոր և բեմադրիչ, 1971-1973 թվականներին՝ Վանաձորի Աբելյանի անվան թատրոնի գեղարվեստական ղեկավար, 1975-1990 թվականներին՝ Արտաշատի Ամո Խարազյանի անվան և միջշրջանային թատրոնների գեղարվեստական խորհրդատուն, բեմադրություններ է արել Օպերայի և բալետի, Պարոնյանի անվան, Պատանի հանդիսատեսի, Գյումրու Վարդան Աճեմյանի անվան, Ստեփանակերտի Վահրամ Փափազյանի անվան և այլ թատրոններում։ 1957 թվականից դասավանդում է Երևանի թատրոնի և կինոյի պետական ինստիտուտում, եղել է ամբիոնի վարիչ, պրոռեկտոր, 1985 թվականից՝ պրոֆեսոր։ Նրա ջանքերով ինստիտուտում ստեղծվել է ռեժիսուրայի ամբիոնը և բեմանկարչության բաժինը։

2014 թ. խրախուսվել է ՀՀ վարչապետի շնորհակալագրով։

2018-ին մի որոշ ժամանակ հանգրվանել է նաև ծերանոցում, որի մասին, սակայն, հարազատները նախընտրում են լռել։

Ռաֆայել Ջրբաշյանը 95 տարեկան էր։