Ինչպե՞ս են ցանկացել սպանել Մակրոնին․ կասկածյալները խոստովանել են

Ֆրանսիայի նախագահ Էմանուել Մակրոնի դեմ հարձակման նախապատրաստման գործի կասկածյալները հարցաքննության ժամանակ խոստովանել են, որ ցանկացել են դանակով հարձակվել Մակրոնի վրա Փարիզում առաջին աշխարհամարտի ավարտի հարյուրամյակին նվիրված հանդիսավոր արարողությունների ժամանակ, հայտնում է РИА Новости-ն՝ հղում տալով France 2 հեռուստաալիքին։

Երկու կասկածյալ ազատ է  արձակվել,  ևս 4 կասկածյալ ընդունել են իրենց մեղքը: Իրավապահները հակված են այն վարկածին, որ Մակրոնի դեմ հարձակումը նախաձեռնողը 62-ամյա ֆրանսիացի գործարար Ժան Պիեր Բ.-ն է: Նրա մեքենայում են հայտնաբերել դանակը, որով ենթադրաբար ցանկացել են հարձակվել նախագահի վրա:

Նշենք, որ օրեր առաջ Ֆրանսիայում ձերբակալել են 6 անձի, որոնք կասկածվում են նախագահ Էմանուել Մակրոնի դեմ հարձակում իրականացնելու մտադրություն ունենալու մեջ։ Կասկածյալները կապված են ծայրահեղ աջակողմյան շրջանակների հետ: Նրանց ինքնությունը դեռ չի հաղորդվում։