25 10 2018

Վթար, մեծ խցանում՝ Մյասնիկյան պողոտայում․ Shamshyan.com

Վթար, մեծ խցանում՝ Մյասնիկյան պողոտայում․ Shamshyan.com

Երեւանում հոկտեմբերի 25-ին, խոշոր ավտովթար է տեղի ունեցել. ժամը 07։40-ի սահմաններում 62-ամյա Միքայել Ա.-ն իր վարած КамАЗ մակնիշի 70 RR 909 համարանիշի ավտոմեքենայով Մյասնիկյան պողոտայից դեպի Հերացի փողոց իջնելիս դուրս է եկել ճանապարհի երթեւեկելի գոտուց, բախվել Աբովյան պուրակ եւ Հերացի փողոց ճանապարհի բաժանարար գոտում տեղադրված բետոնե արգելապատնեշներին, պոկել նրանք եւ կողաշրջվել։

Shamshyan.com-ի փոխանցմամբ, վթարի հետևանքով, բարեբախտաբար, զոհեր եւ վիրավորներ չկան։

Ճանապարհային ոստիկանները մեծ դժվարությամբ են հետաքրքրասեր վարորդներին հեռացնում դեպքի վայրից, քանի որ շատ վարորդներն էլ, ղեկը թողած, հեռախոսներով նկարում են կողաշրջված КамАЗ-ը։

Վթարի մասին տեղեկությունը փոխանցվել է «Սանիթեք» ընկերությանը, որ դեպքի վայր ժամանեն «Սանիթեք»-ի աշխատակիցներն ու հատուկ լուծույթով ու ջրով կատարեն ճանապարհի լվացման աշխատանքներ։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ