Մահացել է ՄԱԿ նախկին գլխավոր քարտուղար Քոֆի Անանը

80 տարեկանում՝ կարճատև հիվանդությունից հետո, մահացել է ՄԱԿ-ի նախկին գլխավոր քարտուղար Քոֆի Անանը։ Այս մասին հայտնել են նրա անվան ֆոնդի ներկայացուցիչները, գրում է Meduza.io-ն։

Քոֆի Անանը ծնվել է բրիտանական Ոսկե Ափ գաղութում (անկախանալուց հետո՝ Գանա) 1938 թվականին։ Աշխատել է ՄԱԿ-ի կառույցներում 1960-ական թվականների սկզբից։ 1993 թվականից նա պատասխանատու էր կազմակերպությունում խաղաղապահ գործողությունների համար, իսկ երեք տարի անց ընտրվեց ՄԱԿ-ի Գլխավոր քարտուղար՝ դառնալով այդ պաշտոնում առաջին աֆրիկացին։

2001 թվականին Քոֆի Անանը Նոբելյան մրցանակ ստացավ «ՄԱԿ-ի վերափոխման» և «մարդու իրավունքներին առաջնահերթություն տալու» համար, ինչպես նաև երկրորդ անգամ վերընտրվեց իր պաշտոնում։ 2007 թվականին՝ ՄԱԿ-ի Գլխավոր քարտուղարի պաշտոնը լքելուց հետո, նա մասնակցեց Քենիայի կոնֆլիկտի կարգավորմանը, իսկ 2012 թվականին ընտրվեց Արաբական պետությունների լիգայի և ՄԱԿ-ի դեսպան Սիրիայի հարցով, սակայն շուտով թողեց այդ պաշտոնը։

It is with immense sadness that the Annan family and the Kofi Annan Foundation announce that Kofi Annan, former Secretary General of the United Nations and Nobel Peace Laureate, passed away peacefully on Saturday 18th August after a short illness... pic.twitter.com/42nGOxmcPZ

— Kofi Annan (@KofiAnnan) 18 августа 2018 г.