06 08 2018

Հայերը՝ թուրքական ԶԼՄ-ների թիրախում. զեկույց

Հայերը՝ թուրքական ԶԼՄ-ների թիրախում. զեկույց

Թուքիայի էթնիկ փոքրամասնությունների շարքում ամենաշատը լրատվամիջոցների քննադատության են արժանացել հայերը։ Այս մասին նշված է Հրանտ Դինքի հիմնադրամի հրապարակած զեկույցում։ Ermenihaber կայքի փոխանցմամբ` 2018թ․ հունվար-ապրիլ ամիսներին թուրքական մամուլում 76 տարբեր խմբերի նկատմամբ ատելություն ու թշնամանք պարունակող 3076 հայտարարություն է արձանագրվել։

Նշված ժամանակահատվածում հրապարակվել է էթնիկ և կրոնական խմբերին թիրախավորող 2265 հոդված և լուր։ Թուրքական լրատվամիջոցների թիրախում ամենից հաճախ հայտնվել են հայերը, հույները, հրեաները։

Նշված չորս ամիսների ընթացքում թուրքական մամուլում հայերը հիմնականում

  • թիրախավորվել են հայ-ադրբեջանական հակամարտության վերաբերյալ հրապարակումներում
  • պիտակավորվել են որպես բռնությունների հակված էթնիկ խումբ
  • մեղադրվել են Թուրքիայի համար «թշնամի» հռչակված խմբերին կամ անհատներին թիկունքից աջակցություն ցուցաբերելու մեջ,

Հայկական ԱՍԱԼԱ-ն հիշատակվել է Թուրքիայում ահաբեկչական խմբավորում համարվող «Քուրդիստանի բանվորական» կուսակցության (PKK-ՔԲԿ) հետ համատեղ՝ որպես ահաբեկչության աղբյուր»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ