«Մայր Հայաստան» դաշինքի առաջարկը՝ տոնավաճառներում աշխատողներին

«Տոնավաճառների վիճակը ի՞նչ պետք է լինի»,- «Մայր Հայաստան» դաշինքի առաջնորդ Անդրանիկ Թևանյանին հարցրին «Փեթակ» առևտրի կենտրոնում։

Ասաց, որ Դաշինքն առաջարկներ ունի փոքր բիզնեսի հետ կապված․ տարեկան մինչև 30 մլն շրջանառության դեպքում կարող են ազատվել շրջանառության հարկի վճարումից։ Իսկ տոնավաճառներին առաջարկում են ընտրության հնարավորություն՝ կամ շրջանառության հարկ վճարել կամ հաստատագրված վճար, որն էլ լինելու է երեք տարբերակով՝ ըստ բիզնեսի տեսակի, ըստ գոտիավորման և ըստ քառակուսի մետրի։ Ասաց, որ աշխատակիցներն իրենք կընտրեն որ տարբերակով են աշխատելու։

Անդրանիկ Թևանյանն ասաց, որ այս առաջարկները իշխանափոխությունից հետո օրենսդրական տեսքի կբերեն։ Կոչ արեց անպայման մասնակցել ընտրությունների և խոսքն ամփոփեց՝ ասելով, որ թիվ մեկ խնդիրն անվտանգայինն է, պետք է այդ հարցը լուծվի, որից հետո նոր հնարավոր կլինի հեշտ լուծել բիզնեսի և մյուս հարցերը։

Մանրամասն՝ տեսանյութում։