Լիանա Մարգարյանը կարող է կապ հաստատել մեզ հետ և ցանկացած տիպի աջակցություն ստանալ․ Զարուհի Հովհաննիսյան

 «Համացանցում կինը պատմում է ամուսնու սպառալիքների մասին․ ինչ միջոցներ են ձեռնարկվում նրա ու երեխաների անվտանգության ապահովման համար» թեմայով Մեդիա կենտրոնում կազմակերպված քննարումը վերաբերվում էր աղմուկ հանած հայտնի դեպքին։

Հիշեցնենք, որ Հունիսի 8-ին սոցիալական ցանցերով և մեդիահարթակներով տեսանյութ է տարածվել, որում երիտասարդ կինը պատմում է ամուսնու սպառնալիքների և նրա կողմից հետապնդումների ենթարկվելու մասին։ Լիանա Մարգարյանի և նրա երեխաների լուսանկարները տարածվում են «որոնվում են» վերտառությամբ, կինը, սակայն, պնդում է, որ իրենք անհետ կորած չեն, այլ ստիպված են թաքնվել, քանի որ ամուսինը՝ նախկին ոստիկան Գոռ Տեր-Եսայանը, որը սպանել է իր հորը, այժմ ազատության մեջ է։

Գնահատելով դեպքը՝  Կանանց աջակցման կենտրոնի ներկայացուցիչ Զարուհի Հովհաննիսյանն ասաց․

«Մեր հայտարարությանմեջ հստակ նշել ենք, որ անկախ նրանից, թե որտեղ է գտնվում կինը, գաղտնիությունը և ապահովությունն ամբողջովին պահպանվում է , դա մեր ընթացակարգերում է գտնվում,  կինը կարող է կապ հաստատել ցանկացած միջոցով մեզ հետ  և ցանկացած տիպի աջակցություն, այդ թվում՝  ապաստարանային աջակցություն ստանալ,  բայց նրա ուղերձի ամբողջ էությունն այն էր, որ ասում էր՝  ես կամ, մի տարածեք իմ լուսանկարները, էս անարդարություններից եմ ես փախել ։

Ուստի, կարծում եմ որ այս հարցում առաջնայինը դատախազության խնդիրն է՝  պարզելու թե ինչու են այդ անարդարություններն այսպիսի փնջով հայտնվել այդ կնոջ դիմաց  և դատական մարմիններում ինչո՞ւ նա չի ստացել այն ամբողջ արձագանքները, որ պետք է ստանար ըտանեկան  բռնության ենթարկված անձն ու քրեական հանցագործության տուժողը»,-ասաց Զարուհի Հովհաննիսյանը։

Խոսելով՝  Լիանա Մարգարյանին հնարավոր սպառնալիքից պաշտպանելու ոտիկանության անելիքից, Զարուհի հովհաննիսյանն ասաց․ « Հայտարարությունից հետո, Եթե հայտնի չէ կնոջ տեղը, ոստիկանությունն իր գործողությունները համարյա կատարել չի կարող»։

Մանրամասն՝ տեսանյութում։