Նիկոլն ասեց՝ եկեք իմ հետևից, դուխով ձեր կողքին կանգնած եմ, ո՞ւր ա իրա դուխը, կորցրե՞ց․ ՊՆ նախկին շենքի բնակիչ

«Նիկոլն ասեց եկեք իմ հետևից,  դուխով ձեր կողքին կանգնած եմ, ո՞ւր ա իր ա դուխը, կորցրե՞ց․ մենք էստեղից գնալու տեղ չունենք , փողոցում  ենք մնացել , մեր տներից մեզ հանել  են, գողացել են մեր իրերը ու մեզ հանել-դրել են փողոցում»,-ասաց ՊՆ նախկին ծենքի բնակիչը։

Հիշեցնենք, որ որ երեկ՝ փետրվարի 16-ի  վաղ առավոտյան, ոստիկանության տարբեր ստորաբաժանումներուժեր են կենտրոնացրել  ՊՆ նախկին շենքի մոտ, ապա մտնելով ներս՝  սկսել են գործողություններ իրականացնել , ընդհուպ՝ ուժի գործադրմամբ բնակիչներին դուրս հանել։

Նշենք , որ ՊՆ-ն 2008 թվականին է տեղափոխվել այլ շենք։ Այս շենքը մատնվել է անտերության։2020 թվականի վերջից կիսաքանդ այդ շենքը բնակեցվել է։ Տարբեր վայրերից այստեղ մարդիկ են եկել, դուռ ու լուսամուտ տեղադրել, սկսել ապրել։

Մինչև 2023 թվականի հունվար ամիս այստեղ բնակվող մոտ 200 քաղաքացիները որևէ խնդրի չեն բախվել, մինչև 2022թ․ ապրիլ ամիսը, երբ այն կառավարության որոշմամբ հանձնվեց ՊԵԿ-ին, որն էլ դիմել էր ոստիկանություն՝ պահանջելով ազատել տարածքը քաղաքացիներից։