Նոր հանքարդյունաբերող է հայտնվել․Վայոց ձորի բնակիչները դեմ են Եղեգիսում մետաղական հանքի ստեղծմանը

Այսօր առավոտից  ակցիա է Վայոց Ձորի Վարդահովիտ համայնքում․ Եղեգիս խոշորացված համայքի բնակիչներն համախմբված մասնակցում են գյուղի տարածքում մետաղական հանք ստեղծելու թեժ քննարկումներին։ Նոր հանքարդյունաբերող է «հայտնվել» Վայոց Ձորում, մարզի ջրային ավազանին շատ մոտ  գյուղամերձ տարածքում խորհրդավոր մի ավստրալիացի հայ փայատիրոջ հետ մտադիր է մետաղահանք ստեղծել։

Պետությունն իրավունք է տվել՝ նորաստեղծ «Մենդիա ռեսուրսիս» ըներությանը  Եղեգիս համայնքի վարչական սահմաններում  շուրջ 100 քկմ մակերեսով բազմամետաղ հանքի որոնողագնահատողական աշխատանքներ իրականացնել։

Մարզի բնակչությունը դեմ է պետության քաղաքականությանը,  ընդվզում են՝  արտանետումների հնարավոր ծանր հտեևանքները  բնության ու հանրային առողջության վրա չափումներ վկայակոչելով, մարզի բնակիչներն ընդգծում են նաև ջրավազանի գործոնը, նրանց խոսքով Վարդահովիտում է գտնվում Եղեգնաձոր քաղաքի ու հարակից գյուղերի ջրահավաք ավազանը, ուստի պահանջում են այս հանգամանքի վրա հատուկ ուշադրություն դարձնել։

Մամուլում «Մենդիա ռեսուրսիս» ընկերության մասին ուշագրավ տեղեկություններ են հրապարակվել․ Հայաստանում 2021 թ գրանցված սույն ընկերության 15% բաժնեմասը ոմն Լիլիթ Արամի Արամյանին է պատկանում, ով  ըստ հրապարակման՝ ՊԵԿ մաքսանենգության դեմ պայքարի վարչության օպերատիվ հետախուզության բաժնի նախկին գլխավոր տեսուչ Ռոբերտ Արամյանի քույրն է, իսկ 85% փայատերը` Ավստրալիայի քաղաքացի Դեննիս Ջեյ Մուրն է, որի մասին  սրանից ավել տեղեկատվություն չկա:

 Սյուզի Բադոյան